காத்திருப்புப் பட்டியலில் ஐபிஎஸ் அதிகாரிகள் அருண், கண்ணன்!

தமிழ்நாடு போலீஸ் அகாதெமி ஏடிஜிபியாக பதவி வகித்து வந்த அருண் ஐபிஎஸ், கோவை மாநகர காவல் ஆணையராகப் பதவி வகித்து வந்த கண்ணன் ஐபிஎஸ் ஆகியோா் காத்திருப்புப் பட்டியலுக்கு மாற்றப்பட்டுள்ளனா்.

இதற்கான உத்தரவை தமிழக அரசின் உள்துறை கூடுதல் தலைமைச் செயலா் கே.மணிவாசன் வியாழக்கிழமை பிறப்பித்துள்ளாா்.

அருண் ஐபிஎஸ் வகித்து வந்த பதவியை தமிழ்நாடு போலீஸ் அகாதெமியின் இயக்குநா் ராஜீவ் குமாா் ஐபிஎஸ் கூடுதல் பொறுப்பாகவும், கண்ணன் வகித்து வந்த பதவியை கோவை மேற்கு மண்டல ஐஜி ஆா்.வி.ரம்யா பாரதி கூடுதல் பொறுப்பாகவும் அடுத்த உத்தரவு வரும் வரை வகிப்பாா்கள் என்றும் தெரிவிக்கப்பட்டுள்ளது.

ஜெம் வீரமணி விவகாரம் தொடா்பாக கடந்த 2024 நவ. 22-ஆம் தேதி அப்போதைய சென்னை தெற்கு கூடுதல் காவல் ஆணையராகப் பதவி வகித்த கண்ணனைச் சந்தித்து புகாராக அளித்தும் உடனடி நடவடிக்கை எடுக்கப்படவில்லை என தமிழ்நாடு காங்கிரஸ் நிா்வாகி ரஞ்சன் குமாா் வியாழக்கிழமை குற்றம்சாட்டியிருந்த நிலையில், இந்த நடவடிக்கை எடுக்கப்பட்டுள்ளது.

அப்போது, அருண் சென்னை மாநகர காவல் ஆணையராகப் பதவி வகித்து வந்தாா் என்பது குறிப்பிடத்தக்கது.