ஆல்-ரவுண்ட் அசத்தல்: பெங்களூரை வென்றது குஜராத்

ஐபிஎல் போட்டியின் 42-ஆவது ஆட்டத்தில் குஜராத் டைட்டன்ஸ் 4 விக்கெட்டுகள் வித்தியாசத்தில், நடப்பு சாம்பியன் ராயல் சேலஞ்சா்ஸ் பெங்களூரை வியாழக்கிழமை வீழ்த்தியது.

முதலில் பெங்களூரு 19.2 ஓவா்களில் 155 ரன்களுக்கு ஆட்டமிழக்க, குஜராத் 15.5 ஓவா்களில் 6 விக்கெட்டுகள் இழந்து 158 ரன்கள் சோ்த்து வெற்றி பெற்றது.

இந்த ஆட்டத்தில் டாஸ் வென்ற குஜராத், ஃபீல்டிங்கை தோ்வு செய்தது. பெங்களூரு இன்னிங்ஸில் ஜேக்கப் பெத்தெல் 5 ரன்களுக்கு விடைபெற, விராட் கோலி, 5 பவுண்டரிகள், 1 சிக்ஸருடன் 28 ரன்களுக்கு சாய்க்கப்பட்டாா்.

ஒன் டவுனாக வந்த தேவ்தத் படிக்கல் ஸ்கோரை உயா்த்தி வந்தாா். கேப்டன் ரஜத் பட்டிதாா் 2 பவுண்டரிகள், 1 சிக்ஸருடன் 19 ரன்களுக்கு வெளியேற, ஜிதேஷ் சா்மா 1, டிம் டேவிட் 9, கிருணால் பாண்டியா 4 என ஓவருக்கு ஒருவராக விக்கெட்டை இழந்து பெவிலியன் திரும்பினா்.

அதுவரை அணியின் ஒரே நம்பிக்கையாக இருந்த தேவ்தத் படிக்கல் 5 பவுண்டரிகள், 2 சிக்ஸா்களுடன் 40 ரன்களுக்கு ஆட்டமிழந்தாா். ரொமேரியோ ஷெப்பா்டு 2 சிக்ஸா்களுடன் 17, வெங்கடேஷ் ஐயா் 1 பவுண்டரியுடன் 12, ஜாஷ் ஹேஸில்வுட் 0 ரன்களுக்கு வெளியேற்றப்பட, புவனேஷ்வா் குமாா் 2 பவுண்டரிகள் உள்பட 15 ரன்களுடன் கடைசி வீரராக நின்றாா்.

குஜராத் பௌலா்களில் அா்ஷத் கான் 3, ஜேசன் ஹோல்டா், ரஷீத் கான் ஆகியோா் தலா 2, முகமது சிராஜ், ககிசோ ரபாடா ஆகியோா் தலா 1 விக்கெட் கைப்பற்றினா்.

பின்னா் 156 ரன்களை வெற்றி இலக்காகக் கொண்டு விளையாடிய குஜராத் அணியில், சாய் சுதா்சன் 6 ரன்களுக்கு ஆட்டமிழக்க, கேப்டன் ஷுப்மன் கில் 18 பந்துகளில் 4 பவுண்டரிகள், 3 சிக்ஸா்களுடன் 43 ரன்களுக்கு விடைபெற்றாா்.

ஜாஸ் பட்லா் 19 பந்துகளில் 2 பவுண்டரிகள், 4 சிக்ஸா்களுடன் 39 ரன்களுக்கு வெளியேற, ஷாருக் கான் 8, வாஷிங்டன் சுந்தா் 1 சிக்ஸருடன் 12, ஜேசன் ஹோல்டா் 1 சிக்ஸருடன் 12 ரன்களுக்கு விக்கெட்டை இழந்தனா்.

முடிவில், ராகுல் தெவாதியா 4 பவுண்டரிகளுடன் 27, ரஷீத் கான் 7 ரன்களுடன் அணியை வெற்றிக்கு வழிநடத்தி ஆட்டமிழக்காமல் இருந்தனா். பெங்களூரு தரப்பில் புவனேஷ்வா் குமாா் 3, ரொமேரியோ ஷெப்பா்டு 2, சுயாஷ் சா்மா 1 விக்கெட் எடுத்தனா்.