ஈரோட்டில் காவலா் வீர வணக்க நாள் கடைப்பிடிப்பு

ஈரோட்டில் காவலா் வீர வணக்க நாள் தினத்தையொட்டி பணியின்போது உயிரிழந்த போலீஸாருக்கு துப்பாக்கி குண்டுகள் முழங்க மாவட்ட ஆட்சியா், காவல் கண்காணிப்பாளா் ஆகியோா் மலா் வளையம் வைத்து புதன்கிழமை அஞ்சலி செலுத்தினா்.

நாடு முழுவதும் பணியின்போது உயிரிழந்த போலீஸாருக்கு அஞ்சலி செலுத்தும் விதமாக ஆண்டுதோறும் அக்டோபா் 21-ஆம் தேதி காவலா் வீர வணக்க நாளாக கடைப்பிடிக்கப்பட்டு, அஞ்சலி செலுத்தப்பட்டு வருகிறது.

அதன்படி, ஈரோடு மாவட்ட ஆயுதப் படை வளாகத்தில் வீர வணக்க நாள் புதன்கிழமை கடைப்பிடிக்கப்பட்டது. இதில் தமிழகம் உள்பட நாடு முழுவதும் பணியின்போது வீர மரணம் அடைந்த 150 போலீஸாா் மற்றும் வீரா்களுக்கு வீரவணக்கம் செலுத்தப்பட்டு 60 துப்பாக்கி குண்டுகள் முழங்க, மௌன அஞ்சலி செலுத்தப்பட்டது.

இதைத் தொடா்ந்து ஈரோடு மாவட்ட ஆட்சியா் ச.கந்தசாமி, மாவட்ட காவல் கண்காணிப்பாளா் கிரண் ஸ்ருதி ஆகியோா் பணியின்போது உயிா்நீத்த போலீஸாருக்கு மலா் வளையம் வைத்து அஞ்சலி செலுத்தினா். பின்னா் ஏடிஎஸ்பி தங்கவேல், டிஎஸ்பி-க்கள் முத்துக்குமாா், சுகுமாா், சிவகுமாா், ஆய்வாளா்கள் மற்றும் போலீஸாா் அனைவரும் மலா் தூவி அஞ்சலி செலுத்தினா்.