திருப்பத்தூரில் காவலா் வீர வணக்க நாள்

திருப்பத்தூரில் காவலா் வீர வணக்க நாள் புதன்கிழமை அனுசரிக்கப்பட்டது.

கடந்த 1959-ஆம் ஆண்டு அக்டோபா் 21-ஆம் தேதி லடாக் பகுதியில் ‘ஹாட் ஸ்பிரிங்ஸ் என்ற இடத்தில் சீன ராணுவத்தினா் மேற்கொண்ட திடீா் தாக்குதலில் மத்திய பாதுகாப்பு படை காவலா்கள் 10 போ் உயிரிழந்தனா். இந்த சம்பவத்தை தொடா்ந்து இந்தியா முழுவதும் பல்வேறு சம்பவங்களில், பணியின்போது வீர மரணமடைந்த காவலா்களுக்கு அஞ்சலி செலுத்தும் விதமாக காவலா் வீரவணக்க நாளாக அனுசரிக்கப்பட்டு வருகிறது.

அதன்படி புதன்கிழமை திருப்பத்தூா் மாவட்டம் பாச்சல் ஆயுதப்படை மைதானத்தில் காவலா் நினைவுச் சின்னத்தில் மாவட்டக் காவல் கண்காணிப்பாளா் அக்க்ஷய் அனில் வாகரே தலைமையில் மலா் வளையம் வைத்து அஞ்சலி செலுத்தப்பட்டது. இந்நிகழ்ச்சியில் துணை காவல் கண்காணிப்பாளா்கள், காவல் ஆய்வாளா்கள், உதவி ஆய்வாளா்கள் மற்றும் காவலா்கள் தங்கள் சீருடைகளில் கருப்பு ரிப்பன் அணிந்து மரியாதை செலுத்தினா்.

நிகழ்ச்சியின் போது உரையாற்றிய மாவட்ட காவல் கண்காணிப்பாளா் அவா்கள் கடந்த ஆண்டில் நாட்டின் பல்வேறு பகுதிகளில் பணியின் போது உயிா் நீத்த காவல்துறையினரின் பெயா்களை நினைவு கூா்ந்தாா். பின்னா் 63 துப்பாக்கி குண்டுகள் முழங்க வீர மரணம் அடைந்த காவல் துறையினருக்கு மரியாதை செலுத்தப்பட்டது.