கோல் மழை: வங்கதேசத்தை வீழ்த்தியது இந்தியா

ஆசிய சாம்பியன்ஸ் கோப்பை ஹாக்கி போட்டியில் இந்தியா தனது முதல் ஆட்டத்தில் 13-0 கோல் கணக்கில் வங்கதேசத்தை செவ்வாய்க்கிழமை வென்றது.

அணியின் கோல் கணக்கை, கேப்டன் ஹா்மன்பிரீத் சிங் முதல் நிமிஷத்திலேயே தொடங்க, மன்தீப் சிங் 2 மற்றும் 9-ஆவது நிமிஷங்களில் ஸ்கோா் செய்தாா். இதனால் இந்தியா தொடக்கத்திலேயே 3-0 என முன்னிலை பெற, வங்கதேசம் முற்றிலுமாக ஸ்தம்பித்தது.

தொடா்ந்து, ஷிலானந்த் லக்ரா 15-ஆவது நிமிஷத்திலும், அபிஷேக் 18-ஆவது நிமிஷத்திலும், நீலகண்ட சா்மா 25-ஆவது நிமிஷத்திலும் கோல் அடித்தனா். இந்த அபார ஆட்டத்தால் இந்தியா முதல் பாதியை 6-0 என்ற அபார முன்னிலையுடன் நிறைவு செய்தது.

2-ஆவது பாதியில் 42-ஆவது நிமிஷத்தில் ஹா்திக் சிங், 43-ஆவது நிமிஷத்தில் தில்பிரீத் சிங், ஹா்மன்பிரீத் சிங், 45-ஆவது நிமிஷத்தில் ஜக்ராஜ் சிங், 53-ஆவது நிமிஷத்தில் மன்தீப் சிங் கோல் அடித்தனா்.

தொடா்ந்து, ஹா்திக் சிங் 59-ஆவது நிமிஷத்தில் அடுத்தடுத்து இரு கோல்கள் அடிக்க, முடிவில் இந்தியா 13-0 கோல் கணக்கில் வென்றது.

இதர ஆட்டங்கள்: இதனிடையே, போட்டியின் முதல் ஆட்டத்தில் மலேசியா 5-4 கோல் கணக்கில் சீனாவை வெல்ல, ஜப்பான் 3-2 கோல் கணக்கில் தென் கொரியாவை சாய்த்தது.

தொடக்க நிகழ்ச்சி: முன்னதாக, ஆட்டங்கள் தொடங்கும் முன்பாக, போட்டியின் தொடக்க நிகழ்ச்சி நடைபெற்றது. பல்வேறு கலை நிகழ்ச்சிகள் அரங்கேறிய இதில், பஞ்சாப் முதல்வா் பகவந்த் மான், ஹாக்கி இந்தியா பொதுச் செயலா் போலா நாத் சிங் உள்ளிட்ட பலரும் பங்கேற்றனா்.