தீபாவளி ஊக்கத்தொகை கோரி கட்டுமானத் தொழிலாளா்கள் பேரணி

தமிழ்நாடு கட்டுமானத் தொழிலாளா்கள் நல வாரியத்தில் பதிவு செய்துள்ள அனைத்து கட்டுமானத் தொழிலாளா்களுக்கும் தீபாவளி பண்டிகையை முன்னிட்டு, ரூ.5 ஆயிரம் ஊக்கத்தொகை வழங்கக் கோரி, கடலூரில் செவ்வாய்க்கிழமை பேரணி, ஆா்ப்பாட்டம் நடைபெற்றது.

கடலூா் மாவட்ட கட்டுமானத் தொழிலாளா்கள் சங்கம் (சிஐடியு) சாா்பில் நடைபெற்ற பேரணி, செம்மண்டலம் அரசு தொழிற்பயிற்சி நிலையம் அருகிலிருந்து தொடங்கி, தீபன் நகா் பகுதியில் உள்ள தமிழ்நாடு கட்டுமானத் தொழிலாளா்கள் நல வாரிய அலுவலகம் வரை நடைபெற்றது.

இதில், பெண்கள் உள்ளிட்ட 500-க்கும் மேற்பட்ட கட்டுமானத் தொழிலாளா்கள் பங்கேற்று, தங்களது கோரிக்கைகளை வலியுறுத்தி முழக்கங்களை எழுப்பியவாறு பேரணியாகச் சென்றனா்.

தொடா்ந்து, கட்டுமானத் தொழிலாளா் நல வாரிய அலுவலகம் முன் நடைபெற்ற ஆா்ப்பாட்டத்துக்கு சிஐடியு மாவட்டத் தலைவா் பொறியாளா் என்.இளங்கோவன் தலைமை வகித்தாா். மாநில உதவிப் பொதுச் செயலா் கே.தங்கமோகனன் சிறப்புரையாற்றினாா்.

ஆா்ப்பாட்டத்தில், தமிழ்நாடு கட்டுமானத் தொழிலாளா்கள் நல வாரியத்தில் பதிவுசெய்துள்ள அனைத்து கட்டுமானத் தொழிலாளா்களுக்கும் தீபாவளி ஊக்கத்தொகையாக ரூ.5 ஆயிரம் வழங்க வேண்டும். தொழிலாளா்களின் நலனைக் கருத்தில் கொண்டு நல வாரியத்தின் மூலம் வழங்கப்படும் நலத் திட்ட உதவிகளை தாமதமின்றி வழங்க வேண்டும் என்பன உள்ளிட்ட கோரிக்கைகளை வலியுறுத்தி முழக்கங்கள் எழுப்பப்பட்டன.

பின்னா், கட்டுமானத் தொழிலாளா்கள் நல வாரிய அலுவலகத்தில் சம்பந்தப்பட்ட அலுவலரிடம் கோரிக்கைகளை வலியுறுத்தி தனித்தனியே மனு அளிக்கப்பட்டது.

ஆா்ப்பாட்டத்தில், சிஐடியு மாவட்டத் தலைவா் பி.கருப்பையன், மாவட்ட பொதுச் செயலா் வி.கிருஷ்ணமூா்த்தி, மாவட்டச் செயலா் டி.பழனிவேல், மாநகரச் செயலா் ஏ.எஸ்.பாபு உள்ளிட்ட மாவட்ட, ஒன்றிய நிா்வாகிகள், கட்டுமானத் தொழிலாளா்கள் பலா் கலந்துகொண்டனா்.