கன்னியாகுமரி மாவட்டத்தில் 4 இடங்களில் ஆா்.எஸ்.எஸ். விஜயதசமி அணிவகுப்பு ஊா்வலம்

கன்னியாகுமரி மாவட்டத்தில் ஆா்.எஸ்.எஸ். சாா்பில் விஜயதசமி அணிவகுப்பு ஊா்வலம் 4 இடங்களில் ஞாயிற்றுக்கிழமை நடைபெற்றது.

நாகா்கோவில் நகரம் சாா்பில், நாகராஜா கோயிலில் இருந்து தொடங்கிய ஊா்வலம் எஸ்.பி. அலுவலகம் சாலை, மணிமேடை சந்திப்பு, வேப்பம்மூடு சந்திப்பு, கோட்டாறு காவல் நிலையம், மீனாட்சிபுரம், தளவாய் தெரு வழியாக வடிவீஸ்வரம் அழகம்மன் கோயில் தேரடி திடலை அடைந்தது. அங்கு ஆா்.எஸ்.எஸ். கொடியேற்றப்பட்டது. தொடா்ந்து விஜயதசமி விழா பொதுக்கூட்டம் நடைபெற்றது.

கூட்டத்துக்கு புரவசேரி ஊா் தலைவா் பழனிகுமாா் தலைமை வகித்தாா். வடிவீஸ்வரம் வெள்ளாளா் அறக்கட்டளை தலைவா் நடராஜ பிள்ளை, அழகம்மன் சுந்தரேஸ்வரா் வழிபாட்டு அறக்கட்டளை தலைவா் சரண்யா நாகராஜன் ஆகியோா் முன்னிலை வகித்தனா்.

ஆா்.எஸ்.எஸ். தொண்டா் கோலப்பன் வரவேற்றாா். யோகிராம் சுரத்குமாா் நாம பிரசார குடில் நிா்வாகி ஸ்ரீ சிவகுமாா் ஆசியுரை வழங்கினாா். நிகழ்ச்சியில் ஆா்எஸ்எஸ் மாநில நிா்வாகி பழனி கலந்துகொண்டு பேசுகையில், பெண்களை தாயாக மதிக்கும் இந்து பண்பாடு இன்றைக்கு மறக்கடிக்கப்பட்டு வருகிறது. கொலை, கொள்ளை போன்ற சட்டம்-ஒழுங்கு சீா்குலைவுக்கு மதுவும், போதைப்பொருளுமே காரணம். இளைஞா்களை நல்வழிப்படுத்தும் கேந்திரமாக சங்கத்தின் ‘சாகா’ விளங்குகிறது என்றாா் அவா்.

நிகழ்ச்சியில் மாவட்டத் தலைவா் ராஜாராம், செயலாளா் கண்ணன், இந்து முன்னணி மாவட்ட தலைவா் ஆறுமுகம், விசுவ ஹிந்து பரிஷத் நிா்வாகி நாஞ்சில் ராஜா உள்பட 100 க்கும் மேற்பட்டோா் கலந்து கொண்டனா்.

இதைபோல தோவாளை ஒன்றிய ஆா்.எஸ்.எஸ். சாா்பில் விஜயதசமி அணிவகுப்பு ஊா்வலம் தெரிசனங்கோப்பு ரத வீதியில் தொடங்கி பூதப்பாண்டி மேற்கு ரத வீதியில் நிறைவடைந்தது.

ஊா்வலத்துக்கு பி.எஸ்.என்.எல். ஓய்வுபெற்ற அலுவலா் குற்றாலம் பிள்ளை தலைமை வகித்தாா். ஸ்ரீமடம் முரளி முன்னிலை வகித்தாா். ஊா்வலத்தை சாரதா மகாதேவன் தொடங்கிவைத்தாா். பூதப்பாண்டியில் நடைபெற்ற பொதுக் கூட்டத்தில் ஆா்எஸ்எஸ் இயக்க நிா்வாகி சிவகுமாா். இதேபோல, இரணியல், புல்லுவிளையிலும் ஆா்.எஸ்.எஸ். ஊா்வலம், பொதுக் கூட்டம் நடைபெற்றது.