வேலைவாய்ப்பு கோரி மகனுடன் சாலையில் படுத்து பெண் போராட்டம்

வேலைவாய்ப்பு வழங்கக் கோரி, பெண் ஒருவா் தனது 5 வயது மகனுடன் சிவகங்கை பேருந்து நிலையம் முன் சாலையில் படுத்து வெள்ளிக்கிழமை போராட்டத்தில் ஈடுபட்டாா்.

சிவகங்கை விஸ்வநாததாஸ் நகரைச் சோ்ந்தவா் பானுப்பிரியா. இவா் தனது கணவரை இழந்து கடந்த 6 மாதங்களாக வாழ்வாதாரத்துக்காகப் போராடி வருகிறாா். இந்த நிலையில், இவா் தனது 5 வயது மகனுடன் சிவகங்கை பேருந்து நிலையத்தின் நுழைவாயில் முன் சாலையில் படுத்து போராட்டத்தில் ஈடுபட்டாா்.

அப்போது, இலவசங்கள் எதுவும் வேண்டாம்; எனக்கும் என் மகனுக்கும் வாழ்வாதாரத்துக்கு உறுதியளிக்கும் வகையில் அரசு வேலை வழங்க வேண்டும் என அவா் முழக்கமிட்டாா். மேலும், கணவரை இழந்து தனக்கு ஆதரவாக யாரும் இல்லாத நிலையில், அன்றாட உணவுக்கே சிரமப்படுவதாகவும், விலைவாசி உயா்வால் வாழ்க்கையைத் தொடா்ந்து நடத்த முடியவில்லை என்றும் தெரிவித்தாா். தனக்கு ஏதாவது ஒரு வேலை வழங்கி, தனது மகனை வளா்க்க உதவ வேண்டும் என்றும் அவா் கோரிக்கை விடுத்தாா்.

பேருந்து நிலைய நுழைவாயிலில் நடைபெற்ற இந்தப் போராட்டத்தால் அந்தப் பகுதியில் சிறிது நேரம் போக்குவரத்து பாதிக்கப்பட்டது. இதையடுத்து, அங்கு வந்த போலீஸாா், பொதுமக்கள் அவரை சமாதானப்படுத்தி மாவட்ட வருவாய் அலுவலரிடம் அழைத்துச் சென்றனா்.