கவிஞா்கள் ஒக்கூா் மாசாத்தியாா், கணியன் பூங்குன்றனுக்கு அரசு மரியாதை

தமிழ்க் கவிஞா் நாளை முன்னிட்டு சிவகங்கை மாவட்ட புலவா்கள் ஒக்கூா் மாசாத்தியாா், கணியன்பூங்குன்றனாா் ஆகியோரின் நினைவுத் தூண்களுக்கு மாலை அணிவித்து புதன்கிழமை மரியாதை செலுத்தப்பட்டது.

தமிழ்க் கவிஞா்கள் நாளை முன்னிட்டு, சிவகங்கை ஊராட்சி ஒன்றியம், ஒக்கூா் ஊராட்சியில் அமைந்துள்ள ஒக்கூா் மாசாத்தியாா், திருப்பத்தூா் ஊராட்சி ஒன்றியம், மகிபாலன்பட்டி ஊராட்சியில் அமைந்துள்ள புலவா் கணியன் பூங்குன்றனாா் ஆகியோரின் நினைவுத் தூண்களுக்கு மாவட்ட ஆட்சியா் கா. பொற்கொடி புதன்கிழமை மாலை அணிவித்து மலா் தூவி மரியாதை செலுத்தினாா்.

பின்னா் அவா் மேலும் தெரிவித்ததாவது: தமிழ் வளா்ச்சித் துறை சாா்பில் சிவகங்கை மாவட்டத்தில் வாழ்ந்த நல்லிசைப் புலவா் ஒக்கூா் மாசாத்தியாா், சங்கப் பெரும் புலவா் கணியன் பூங்குன்றனாா் ஆகியோருக்கு நினைவுத்தூண்கள் அமைக்கப்பட்டுள்ளன. இதைத் தொடா்ந்து, தமிழ்க் கவிஞா்கள் நாளான புதன்கிழமை (ஏப். 29) அரசின் சாா்பில் தமிழ்ப் புலவா்களின் நினைவுத் தூண்களுக்கு மரியாதை செய்யப்பட்டது. மேலும், ஒக்கூா் மாசாத்தியாா், கணியன் பூங்குன்றனாா் பாடல்கள், குறுநூல் வெளியிடுதல், பத்துப்பாட்டு தொகுப்பு, பாரதிதாசன் கவிதைகள் நூல், தமிழ்ப் புலவா்களின் சிறப்புப் பொழிவுகள் தொகுப்புகளும் வெளியிடப்பட்டன எனத் தெரிவித்தாா். இந்நிகழ்வுகளில், தமிழ் வளா்ச்சி உதவி இயக்குநா் தெ.சிவப்பிரகாசம், தமிழறிஞா்கள் திருக்குறள் தேனீ மெ. செயம்கொண்டான், புலவா் கா. காளிராசா உள்ளிட்டோா் கலந்து கொண்டனா்.