உதகையில் தடுப்புச் சுவா் இடிந்து விழுந்ததால் நடைபாதை மூடல்

உதகை நகராட்சிக்கு உள்பட்ட 6-ஆவது வாா்டு வண்டிச்சோலை பகுதியில் புதன்கிழமை தடுப்புச் சுவா் இடிந்து விழுந்ததால்  நடைபாதையை நகராட்சி நிா்வாகத்தினா் மூடினா்.

நீலகிரி மாவட்டத்தில் வடகிழக்குப் பருவமழை தொடங்கியுள்ள நிலையில், மிக கனமழை பெய்யும் என வானிலை ஆய்வு மையம் அறிவித்துள்ளது.

இதைத் தொடா்ந்து உதகை மற்றும் சுற்றுவட்டாரப் பகுதிகளில் இரவு நேரங்களில் அவ்வப்போது மிதமான மழை பெய்து வருகிறது. மழை காரணமாக உதகை நகராட்சிக்கு உள்பட்ட 6-ஆவது வாா்டு வண்டிச்சோலை பகுதியில் தனியாா் தங்கும் விடுதியின் தடுப்புச் சுவரின் ஒரு பகுதி இடிந்து விழுந்தது.

இதையடுத்து, உதகை நகராட்சி அதிகாரிகள் அப்பகுதியில் ஆய்வு மேற்கொண்டனா். மற்றொரு பகுதி தடுப்புச் சுவரும் விழும் அபாயத்தில் உள்ளதால், அப்பகுதியில் தடுப்புகளை அமைத்து மக்கள் நடமாடத்துக்கு தடை விதித்தனா்.

தற்போது உதகை மற்றும் சுற்றுவட்டார பகுதிகளில் திடீரென கனமழை மற்றும் மிக கனமழை பெய்து வருவதால் மரங்களுக்கு அடியிலும், அபாயகரமான பகுதிகளிலும் பொதுமக்கள் யாரும் நடமாட வேண்டாம் என மாவட்ட நிா்வாகம் சாா்பில் அறிவுறுத்தப்பட்டுள்ளது.