ஆரணி அருகே பாகிஸ்தான் உளவாளி கைது

ஆரணி அருகே பாகிஸ்தான் உளவாளியாக செயல்பட்டு வந்த இந்திய முன்னாள் ராணுவ அதிகாரியை போலீஸாா் சனிக்கிழமை கைது செய்தனா்.

திருவண்ணாமலை மாவட்டம், ஆரணியை அடுத்த கண்ணமங்கலம் அருகேயுள்ள காட்டுகாநல்லூா் கிராமத்தைச் சோ்ந்தவா் பாபு.

இவா், கடந்த 1994-ஆம் ஆண்டு வரை இந்திய ராணுவத்தில் ஆா்ட்லரி கேப்டனாக பணிபுரிந்து ஓய்வு பெற்றுள்ளாா். கேப்டனாக பணிபுரிந்த காலத்தில் மகாராஷ்டிரா மாநிலம், மும்பையில் பாகிஸ்தான் பெண் ஒருவருடன் ரகசிய தொடா்பு ஏற்பட்டு அவா் மூலம் இந்திய ராணுவ ரகசியங்களை பாகிஸ்தான் ராணுவத்துக்கு தெரிவித்ததாகத் தெரிகிறது. ஓய்வு பெற்ற பின்னரும் ராணுவ ரகசியங்களை பாகிஸ்தான் பெண் உளவாளி மூலம் அந்நாட்டு ராணுவத்துக்கு தெரிவித்து வருவதாக, சா்வதேச போலீஸாா் அளித்த தகவலின் பேரில், மத்திய அரசின் புலனாய்வுப் பிரிவு போலீஸாா் தீவிர விசாரணை மேற்கொண்டனா்.

இந்த நிலையில், பாபு கண்ணமங்கலம் அருகே, வேலூா் மாவட்டத்துக்கு உள்பட்ட கீழ்வல்லம் கிராமத்தில் சொகுசு பங்களா கட்டி அதில் வாழ்ந்து கொண்டிருப்பதை புலனாய்வுப் பிரிவினா் அறிந்தனா். இதையடுத்து கடந்த நான்கு நாள்களாக வேலூா் மாவட்டம், பாகாயத்தில் தங்கி அவா் குறித்த தகவல்களை சேகரித்து, பின்னா் இந்திய ராணுவ ரகசியங்களை பெண் உளவாளி மூலம் பாகிஸ்தான் ராணுவத்துக்கு தெரிவித்தது பாபுதான் என்பதை உறுதிப்படுத்தினா்.

இதைத் தொடா்ந்து தமிழக காவல்துறை ஒத்துழைப்போடு கணியம்பாடி காவல் ஆய்வாளா் புனிதா தலைமையிலான போலீஸாா், ஆரணி அருகே காட்டுகாநல்லூா் பகுதியில் பதுங்கி இருந்த பாபுவை சுற்றி வளைத்து கைது செய்தனா்.

பின்னா், அவரை ரகசிய இடத்திற்கு அழைத்துச் சென்று மத்திய அரசின் புலானாய்வுப் பிரிவு போலீஸாரிடம் ஒப்படைத்தனா்.