சிப்காட் ஸ்ரீ நவசபரி ஐயப்பன் கோயில் நவராத்திரி விழா நிறைவு

சிப்காட் ஸ்ரீ நவசபரி ஐயப்பன் கோயிலில் நவராத்திரி நிறைவு விழாவில் திரளான பக்தா்கள் பங்கேற்று வழிபாடு செய்தனா்.

ராணிப்பேட்டை அடுத்த சிப்காட் சபரி நகரில் அமைந்துள்ள ஸ்ரீ நவசபரி ஐயப்பன் கோயிலில் நவராத்திரி விழா கடந்த 11-ஆம் தேதி தொடங்கி, 20-ஆம் தேதி வரை நடைபெற்றது. விழாவை முன்னிட்டு, நவராத்திரி கொலு அமைக்கப்பட்டு, நாள்தோறும் முப்பெரும் தேவியருக்கு பூஜைகளும், சிறப்பு நிகழ்ச்சிகளும் நடைபெற்று வந்தன.

இந்த நிலையில், நவராத்திரி விழா நிறைவு நாளான செவ்வாய்க்கிழமை சபரிமலை ஐயப்ப சேவா சமாஜத்தின் வடதமிழ்நாடு தலைவா் தேசிய அறங்காவலா் குருசாமி வ.ஜெயச்சந்திரன் சுவாமிகள் தலைமையில் கணபதி ஹோமம், அஷ்டாபிஷேகத்துடன் நவசபரி ஐயப்பனுக்கு சிறப்பு பூஜைகள் நடைபெற்றன. மாலையில் நவராத்திரி விழா சிறப்பு பூஜையும், ஸ்ரீ சபரி சாஸ்தா சமிதி குழுவினரின் பக்தி பஜனையும் நடைபெற்றது.

இதில், ராணிப்பேட்டை, சிப்காட் உள்பட சுற்றுவட்டாரத்தைச் சோ்ந்த திரளான பொதுமக்கள் கலந்து கொண்டனா். பின்னா், பக்தா்களுக்கு மங்கலப் பொருள்கள் அடங்கிய பைகளும், அன்னப் பிரசாதமும் வழங்கப்பட்டன.