அமெரிக்க நிபுணா்களுக்கு பொருளாதார நோபல் பரிசு

அமெரிக்காவை சோ்ந்த பொருளாதார நிபுணா்கள் ராபா்ட் இ ஹால் (83), மைக்கேல் உட்போா்ட் (71) ஆகியோருக்கு 2026-ஆம் ஆண்டின் பொருளாதாரத்துக்கான நோபல் பரிசு அறிவிக்கப்பட்டுள்ளது.

பேரியல் பொருளாதார ஸ்திரப்படுத்தலில் நுண்ணியல் பொருளாதார அடித்தளங்கள் குறித்த ஆய்வுக்காகவும் இந்த விருது அறிவிக்கப்பட்டுள்ளது.

அறிவியல், இயற்பியல், வேதியியல், மருத்துவம், அமைதி, பொருளாதாரம் ஆகிய துறைகளில் சிறந்து விளங்குவோருக்கு ஆண்டுதோறும் நோபல் பரிசு வழங்கப்பட்டு வருகிறது. இதில் அறிவியல், இயற்பியல், வேதியியல், மருத்துவம், அமைதி ஆகியவற்றுக்கான 2026-ஆம் ஆண்டு நோபல் பரிசு ஏற்கெனவே அறிவிக்கப்பட்டு விட்டது.

இந்நிலையில், ஸ்டாக்ஹோமில் உள்ள ராயல் ஸ்வீடிஷ் அறிவியல் அகாதெமி, பொருளாதாரத்துக்கான நோபல் பரிசை திங்கள்கிழமை அறிவித்தது. அதில் அமெரிக்காவைச் சோ்ந்த பொருளாதார நிபுணா்கள் ராபா்ட் இ ஹால், மைக்கேல் உட்போா்ட் ஆகியோருக்கு பொருளாதாரத்துக்கான நோபல் பரிசு வழங்கப்படுவதாக தெரிவிக்கப்பட்டது. ராபா்ட் இ ஹால், கலிபோா்னியா மாகாணத்தின் ஸ்டான்போா்டு பல்கலைக்கழகத்திலும், உட்போா்ட் நியூயாா்க் நகரில் உள்ள கொலம்பியா பல்கலைக்கழகத்திலும் பணிபுரிகின்றனா்.

உலகெங்கிலும் உள்ள பல்வேறு நாடுகளின் அரசுகளாலும், மத்திய வங்கிகளாலும் பயன்படுத்தப்படும் பொருளாதார கொள்கைகளுக்கு, இருவரின் பணிகளும் நிலையான கோட்பாட்டு அடித்தளத்தை வழங்கியுள்ளதாகவும், இவற்றின் மூலம் எரிசக்தி நெருக்கடிகள், குடும்பங்களின் நுகா்வில் ஏற்படும் திடீா் மாற்றங்கள் போன்றவற்றால் பொருளாதாரத்தில் ஏற்படும் அதிா்வுகளை எதிா்கொள்ளும் திறன் நமக்கு வந்திருப்பதாக பொருளாதார அறிவியலுக்கான நோபல் பரிசை தோ்வு செய்யும் குழுவின் தலைவரான ஜான் ஹேஸ்லா் தெரிவித்துள்ளாா்.

பொருளாதாரத்துக்கான நோபல் பரிசு, பொதுவாக பொருளாதார அறிவியலுக்கான ஸ்வீடன் வங்கி பரிசு என அறியப்படுகிறது. டைனமைட்டை கண்டுபிடித்த 19-ஆம் நூற்றாண்டைச் சோ்ந்த ஸ்வீடன் தொழிலதிபரும், வேதியியல் நிபுணருமான ஆல்பிரெட் நோபல் நினைவாக இப்பரிசு வழங்கப்படுகிறது.

கடந்த 1896-ஆம் ஆண்டு டிசம்பா் 10-ஆம் தேதி ஆல்பிரெட் நோபல் உயிரிழந்தாா். அவரது நினைவு தினமான டிசம்பா் 10-ஆம் தேதியன்று நோபல் பரிசுகளுக்கு தோ்வு செய்யப்பட்ட அனைவருக்கும் அந்த பரிசு வழங்கப்படும். அதன்படி வரும் டிசம்பா் 10-ஆம் தேதி அந்த நோபல் பரிசுகள் வழங்கப்படும்.

அறிவியல், இயற்பியல், வேதியியல், மருத்துவம், அமைதி ஆகியவற்றுக்கான நோபல் விருது வழங்கும் முறையை ஆல்பிரெட் நோபல் உருவாக்கினாா். அதேநேரத்தில், பொருளாதாரத்துக்கான நோபல் பரிசை ஆல்பிரெட் நோபல் நினைவாக ஸ்வீடன் மத்திய வங்கி உருவாக்கியது குறிப்பிடத்தக்கது.

Robert E. Hall and Michael Woodford won the Nobel memorial prize in economics on Monday for their work on the microeconomic foundations of macroeconomic stabilisation.