மூத்த குடிமக்கள் வீட்டிற்கே சென்று வாக்கு பெறும் பணி ஆட்சியா் ஆய்வு

தென்காசி தொகுதிக்குள்பட்ட கொட்டாகுளம் பகுதியில் 85 வயதிற்கும் மேற்பட்ட மூத்த குடிமக்கள் வீட்டிற்கே சென்று தோ்தல் குழு அலுவலா்கள் தபால் வாக்கு பெறும் பணியை மாவட்ட ஆட்சியா் ஏ.கே.கமல்கிஷோா் பாா்வையிட்டு ஆய்வு மேற்கொண்டாா்.

தொடா்ந்து செய்தியாளா்களிடம் அவா் கூறியதாவது:

85 வயதுக்கு மேற்பட்ட மூத்த குடிமக்கள், மாற்றுத்திறனாளிகளின் வீட்டிற்கே சென்று வாக்குகளை பதிவு செய்யும் வசதி ஏற்படுத்திட தோ்தல் ஆணையத்தால் தெரிவிக்கப்பட்டுள்ளது.

அதன்படி, தென்காசி மாவட்டத்துக்குள்பட்ட 5 தொகுதிகளில் வீட்டில் இருந்தே வாக்குகள் அளிப்பதற்கு விருப்ப மனு அளித்த 6113 வாக்காளா்களின் வாக்குகளை பதிவு செய்யும் அலுவலா்கள் குழுவினா் ஞாயிற்றுக்கிழமை பணியைத் தொடங்கினா்.

திங்கள்கிழமையும் வாக்குப் பதிவு செய்துள்ளனா். செவ்வாய்க்கிழமையும் வாக்குகளை பதிவு செய்ய உள்ளாா்கள் என்றாா் அவா்.