ராமேஸ்வரம் மீனவர்கள் 7 பேர் கைது!

ராமேஸ்வரம் துறைமுகத்திலிருந்து மீன் பிடிக்கச் சென்ற மீனவர்கள் 7 பேரை இலங்கைக் கடற்படை கைது செய்துள்ளது.

கச்சத்தீவு நெடுந்தீவுக்கு இடையே மீன் பிடித்துக் கொண்டிருந்த ராமேஸ்வரம் மீனவர்கள் ஏழு பேருடன் ஒரு விசைப்படகை இலங்கை கடற்படையினர் சிறை பிடித்துச் சென்றனர்.

ராமநாதபுரம் மாவட்டம் ராமேஸ்வரத்தில் இருந்து நேற்று 398 விசை படங்களில் 2500 க்கும் மேற்பட்ட மீனவர்கள் மீன்வளத்துறை அனுமதி பெற்று கடலுக்கு மீன் பிடிக்கச் சென்றனர்

இன்று அதிகாலையில் கச்சத்தீவு நெடுந்தீவுக்கு இடையே மீன் பிடித்துக் கொண்டிருக்கும்போது ஐந்து ரோந்து படகில் வந்த இலங்கைக் கடற்படை, மீனவர்கள் மீது தாக்குதல் நடத்தி மீன் பிடிக்க விடாமல் விரட்டியடித்தனர்.

இதில் ஜான் மெர்சின் என்பவரது விசைப்படகை சிறைபிடித்தனர். படகில் இருந்த பிளாசியஸ் 41,அழகுபாண்டி 22, அந்தோணி பிச்சை 33, ரபீன் 21, நெல்சன் 58, அருளானந்த சேவியர் 65, சகாய ஆனந்த் 34, ஆகிய 7 மீனவர்களை எல்லை தாண்டி மீள்பிடித்ததாக கூறி சிறை பிடித்து சென்றுள்ளனர்.