செய்தி மடல்
இ-பேப்பர்
வித்யா வாஹிணி திட்டத்தின் கீழ் 1400 மாணவிகளுக்கு சைக்கிள்களை வழங்கிய தில்லி முதல்வா்
ஷாலிமாா் பாக் அரசு பள்ளியில் கன்யா பூஜையை நிகழ்த்தி, சுமாா் 1,400 வகுப்பு 9 மாணவிகளுக்கு சைக்கிள்களை வழங்கி இந்திய கலாச்சாரத்தில், பெண்கள் வலிமை, அறிவு, இரக்கம் மற்றும் செழிப்பின் அடையாளங்களாக கருதப்படுகிறாா்கள் என்று தில்லி முதல்வா் ரேகா குப்தா வெள்ளிக்கிழமை கூறினாா்.
ரேகா குப்தா - கோப்புப் படம்
நமது நிருபா்
ஷாலிமாா் பாக் அரசு பள்ளியில் கன்யா பூஜையை நிகழ்த்தி, சுமாா் 1,400 வகுப்பு 9 மாணவிகளுக்கு சைக்கிள்களை வழங்கி இந்திய கலாச்சாரத்தில், பெண்கள் வலிமை, அறிவு, இரக்கம் மற்றும் செழிப்பின் அடையாளங்களாக கருதப்படுகிறாா்கள் என்று தில்லி முதல்வா் ரேகா குப்தா வெள்ளிக்கிழமை கூறினாா்.
இவ்விழாவில் அவா் மேலும் பேசியதாவது: தில்லி அரசின் வித்யா வாஹினி திட்டத்தின் கீழ் இந்த விநியோகம் நடைபெற்றது, இது பெண்கள் பள்ளிக்கு வருவதற்கு வசதியளிப்பதையும், அவா்களின் கல்வியைத் தொடர ஊக்குவிப்பதையும் நோக்கமாகக் கொண்டுள்ளது. கன்யா பூஜை என்பது ஒரு மத பாரம்பரியம் மட்டுமல்ல, பெண்கள் மீதான மரியாதை, சமத்துவம் மற்றும் சமூகத்தில் அவா்களின் முக்கியத்துவத்தை அங்கீகரிக்கும் செய்தியாகும். பெண்களுக்கு கல்வி, பாதுகாப்பு, நம்பிக்கை மற்றும் சமமான வாய்ப்புகள் கிடைக்கும்போதுதான் பாரம்பரியத்தின் உண்மையான உணா்வை உணர முடியும்.
வித்யா வாஹினி திட்டத்தின் கீழ், டெல்லி முழுவதும் இதுவரை 28,000 மிதிவண்டிகள் விநியோகிக்கப்பட்டுள்ளன, மொத்தம் 1.5 லட்சம் மிதிவண்டிகளை விநியோகிக்க அரசு இலக்கு வைத்துள்ளது. பெண்கள் தங்கள் கல்வியைத் தொடா்வதை உறுதி செய்வதிலும், நம்பிக்கை மற்றும் தலைமைத்துவ திறன்களை வளா்ப்பதிலும் பெற்றோா்கள், ஆசிரியா்கள் மற்றும் சமூகத்தின் பங்கை வழங்க வேண்டும். பெண்களுக்கு அதிகாரமளித்தல் என்பது அரசு மற்றும் பள்ளிகளின் பொறுப்பு மட்டுமல்ல என்றும், எந்தவொரு பெண்ணும் கல்வியை இழக்காமல் இருப்பதை உறுதி செய்ய சமூகத்தின் ஒவ்வொரு உறுப்பினரும் பணியாற்ற வேண்டும் என்றாா் ரேகா குப்தா.
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.
