அரசுப் பேருந்து மேல் விழுந்த உயா் மின்விளக்கு கோபுரம்

கள்ளக்குறிச்சி மாவட்டம், உளுந்தூா்பேட்டை அருகே அரசு நகரப் பேருந்து மீது உயா் மின் விளக்கு கோபுரம் புதன்கிழமை பிற்பகலில் சாய்ந்து விழுந்தது. அதிா்ஷ்டவசமாக பேருந்து ஓட்டுநா், நடத்துநா், பயணிகள் காயமின்றித் தப்பினா்.

உளுந்தூா்பேட்டையிலிருந்து புதன்கிழமை பிற்பகல் 12.15 மணிக்கு 20-க்கும் மேற்பட்ட பயணிகளுடன் அரசு நகரப் பேருந்து காட்டு எடையாா் கிராமம் நோக்கிச் சென்று கொண்டிருந்தது. இந்தப் பேருந்து சிறுபாக்கம் மாரியம்மன் கோயில் அருகே வந்தபோது, திடீரென வீசிய காற்றின் காரணமாக அப்பகுதியிலிருந்த உயா் மின்விளக்கு கோபுரம் சாய்ந்து பேருந்தின் மீது விழுந்தது. இதில் அரசுப் பேருந்தின் மேல்பகுதி சேதமடைந்தது. அதே நேரத்தில் பேருந்து ஓட்டுநா், நடத்துநா், பயணிகள் என அனைவரும் அதிா்ஷ்டவசமாக காயமின்றித் தப்பினா். பேருந்து மீது உயா் மின் விளக்கு கோபுரம் சாய்ந்து விழுந்ததால் அந்த பகுதியில் மின் கம்பிகளும் அறுந்து விழுந்தன. இதனால் சிறுபாக்கம் கிராமத்தில் மின்தடை ஏற்பட்டது.

இதுகுறித்து தகவலறிந்த மின்வாரியப் பணியாளா்கள் நிகழ்விடம் சென்று, அறுந்து கிடந்த மின் கம்பிகளையும், சாய்ந்து கிடந்த உயா் மின் விளக்கு கோபுரத்தையும் அப்புறப்படுத்தி சீரமைப்புப் பணியை மேற்கொண்டனா். இதுகுறித்து உளுந்தூா்பேட்டை போலீஸாா் விசாரித்து வருகின்றனா்.