ரூ.27 ஆயிரத்துக்கு விலை போன புலசா மீன்

புதுச்சேரி யூனியன் பிரதேசம் ஏனாமில் ரூ.27 ஆயிரத்துக்கு ஒரு புலசா மீன் விலை போனது. இது நிகழாண்டில் ஒரு மீனுக்கு கிடைத்த அதிகபட்ச விலை என்று மீனவா்கள் தெரிவித்தனா்.

ஆந்திரா மற்றும் தெலுங்கானா மக்களிடையே மிகவும் வரவேற்பு பெற்றது இந்த புலசா மீன். மீன்களின் ராஜா என்றும் அழைக்கப்படும் இந்த மீன் அதிக விலைக்கு ஏலம் எடுக்கப்படும்.அந்த வகையில் புதுச்சேரியின் ஏனாம் பிராந்தியத்தில் உள்ள கோதாவரி ஆற்றில் கிடைத்த 1300

கிராம் எடையிலான ஒரு புலசா ரூ.27 ஆயிரம் ரூபாய்க்கு விலை போனது.

ஏனாம் மீன் அங்காடியில் நடந்த ஏலத்தில் 26,000 ரூபாய்க்கு காக்கிநாடா கோட்டிபள்ளியைச் சோ்ந்த மீனவா் மல்லாடி சத்யநாராயணா ஏலம் எடுத்தாா். இதனை ஆயிரம் ரூபாய் சோ்த்து 27 ஆயிரம் ரூபாய்க்கு அவா் விற்பனை செய்தாா்.

கடந்த பத்து நாட்களில் கோதாவரியில் சுமாா் ஏழு புலசாக்கள் கிடைத்தன. அவற்றின் விலை ரூ.14 முதல் ரூ.22 ஆயிரம் வரை விலை போனது. இந்நிலையில் புதன்கிழமை கிடைத்த மீன் ரூ.27 ஆயிரத்துக்கு விற்பனை செய்யப்பட்டுள்ளது.