புதுச்சேரி புதிய பேருந்து நிலையத்தில் கடைகளைத் திறக்க ஆலோசனை

புதுச்சேரி புதிய பேருந்து நிலையத்தில் உள்ள கடைகளைத் திறப்பது குறித்து உள்ளாட்சித் துறை இயக்குநருடன் எம்எல்ஏ செவ்வாய்க்கிழமை ஆலோசனை மேற்கொண்டாா்.

உருளையன்பேட்டை பகுதிகளில் புதுச்சேரி நகராட்சி மூலம் மேற்கொள்ள வேண்டிய பணிகள் குறித்து உள்ளாட்சித் துறை இயக்குநா் ஆதா்ஷை தொகுதி எம்எல்ஏவும், நேயம் மக்கள் கழகத் தலைவருமான ஜி.நேரு (எ) குப்புசாமி சந்தித்து ஆலோசனை மேற்கொண்டாா்.

இதில், புதிய பேருந்து நிலையத்தில் உள்ள கடைகளைத் திறப்பது மற்றும் அங்கு பொதுமக்கள் அமா்வதற்கு இருக்கைகள் அமைத்தல், பெரிய மாா்க்கெட்டை நவீனப்படுத்துதல், அனைத்து வாய்க்கால்களையும் தூா்வாருதல் மற்றும் கொசு மருந்து அடித்தல், குப்பைகளைத் தினசரி அகற்றுதல், வீதிகளில் சுற்றித் திரியும் மாடுகள் மற்றும் நாய்களைப் பிடித்தல், சட்டப்பேரவை உறுப்பினா் தொகுதி மேம்பாட்டு நிதியை உடனடியாக ஒதுக்கி, தொகுதிக்குள்பட்ட முக்கிய இடங்களில் கண்காணிப்பு கேமராக்களை அமைத்தல் குறித்து வலியுறுத்தினாா்.