இருவேறு விபத்து: 2 பேர் பலி!

கடலூா் மாவட்டம், பண்ருட்டி அருகே நடைபெற்ற இருவேறு விபத்துக்களில் 2 போ் உயிரிழந்தனா்.

காடாம்புலியூா் காவல் சரகம், பலாப்பட்டு கிராமத்தில் வசித்து வந்தவா் சா்க்கரை (60), கூலித்தொழிலாளி. இவா், வெள்ளிக்கிழமை பிற்பகல் ஒரு மணி அளவில் தனது தொகுப்பு வீட்டின் கதவை திறந்தாா்.

அப்போது, வீட்டின் கதவு மின் வயரில் பட்டதில் மின்சாராம் பாய்ந்து மயங்கி விழுந்தாா். அங்கிருந்தவா்கள் சா்க்கரையை மீட்டு பண்ருட்டி அரசு மருத்துவமனைக்கு அழைத்துச் சென்றனா். மருத்துவமனை மருத்துவா் பரிசோதித்து, வரும் வழியிலேயே இறந்துவிட்டதாகக் கூறினா்.

கொத்தனாா் உயிரிழப்பு.. பண்ருட்டி அடுத்துள்ள பூங்குணம் பகுதியில் வாடகை வீட்டில் வசித்து வந்தவா் பாலகிருஷ்ணன்(33), கொத்தனாா்.இவா்,கடந்த18-ஆம் தேதி இரவு 11.45 மணி அளவில் முதல் தளத்தில் உள்ள பால்கனிக்கு சென்றபோது, நிலைத் தடுமாறி கீழே விழுந்து பின்தலை உள்ளிட்ட இடங்களில் பலத்தகாயம் அடைந்தாா்.

சிகிச்சைக்காக முண்டியம்பாக்கம் அரசு மருத்துவக் கல்லூரி மருத்துவமனையில் சோ்க்கப்பட்ட அவா் வெள்ளிக்கிழமை உயிரிழந்தாா். இந்த உயிரிழப்புகள் குறித்து காடாம்புலியூா் மற்றும் பண்ருட்டி போலீஸாா் வழக்குப்பதிவு செய்து விசாரணை நடத்தி வருகின்றனா்.