திமுக பிரமுகரை அரிவாளால் வெட்டிய கஞ்சா கும்பல்: பொதுமக்கள் மறியல்

திருச்சியில் திமுக பிரமுகா் வியாழக்கிழமை இரவு 5 போ் கொண்ட கஞ்சா கும்பலால் அரிவாளால் வெட்டப்பட்டாா். இதை கண்டித்து, பொதுமக்கள் சாலை மறியலில் ஈடுபட்டனா்.

திருச்சி சுப்பிரமணியபுரம் காந்தி தெருவை சோ்ந்தவா் ஏசுதாஸ் (42). திமுக பிரமுகா்.

இவரது வீட்டுக்கு அருகே ஒரு காலிமனை உள்ளது. அந்த இடத்தில் இரவு நேரங்களில் சில இளைஞா்கள் கஞ்சா புகைத்து கொண்டு, சமூக விரோத செயல்களில் ஈடுபட்டு வந்தனா். இதை ஏசுதாஸ் கண்டித்துள்ளாா்.

இதனால், ஆத்திரமடைந்த 5 போ் கொண்ட கஞ்சா கும்பல் வியாழக்கிழமை இரவு ஏசுதாஸின் வீட்டுக்குள் புகுந்து அவரை அரிவாளால் வெட்டிவிட்டு தப்பினா்.

இந்நிலையில், இந்தச் சம்பவத்தை கண்டித்து அப்பகுதி மக்கள் திருச்சி-புதுக்கோட்டை நெடுஞ்சாலையில் வியாழக்கிழமை இரவு சாலை மறியலில் ஈடுபட்டனா்.

தகவலறிந்து சம்பவ இடத்துக்கு வந்து கே.கே.நகா் போலீஸாா் மறியலில் ஈடுபட்ட பொதுமக்களிடம் பேச்சுவாா்த்தை நடத்தினா். அப்போது, ஏசுதாஸை வெட்டிய கும்பலை கைது செய்வதாக போலீஸாா் உறுதி அளித்ததை தொடா்ந்து பொதுமக்கள் மறியலை கைவிட்டு கலைந்து சென்றனா்.

இதுகுறித்து கே.கே.நகா் போலீஸாா் வழக்குப் பதிந்து விசாரணை நடத்தி வருகின்றனா்.