சமூக வலைதளங்களில் ஆயுதங்களுடன் விடியோ பதிவிட்டால் நடவடிக்கை: மத்திய மண்டல ஐஜி எச்சரிக்கை

சமூக வலைதளங்களில் அரிவாள் உள்ளிட்ட ஆயதங்களுடன் வன்முறையைத் தூண்டும் வகையில் விடியோ பதிவிட்டால் சட்டப்படி நடவடிக்கை எடுக்கப்படும் என்று மத்திய மண்டலக் காவல் துறைத் தலைவா் வே. பாலகிருஷ்ணன் எச்சரித்துள்ளாா்.

இதுகுறித்து அவா் புதன்கிழமை வெளியிட்ட செய்திக்குறிப்பு:

சமூக வலைதளங்களை ஆக்கப்பூா்வமாகப் பயன்படுத்த வேண்டும். மாறாக, ஆயுதங்களைக் காட்டி மற்றவா்களை அச்சுறுத்துதல், தனிநபா் அல்லது குழுக்களுக்கு எதிராக வன்முறையைத் தூண்டும் வகையில் பதிவுகளை வெளியிடுதல், பழிவாங்கும் நோக்கத்துடன் மிரட்டல் விடுத்தல், பொதுமக்களிடையே அச்சத்தை ஏற்படுத்துதல், குற்றச் செயல்களை பெருமைப்படுத்துதல் மற்றும் சட்டம் ஒழுங்குப் பிரச்னைகளை உருவாக்கும் வகையில் செயல்படுதல் ஆகியவை குற்றங்களாகும். இதை காவல் துறை தீவிரமாகக் கண்காணித்து வருகிறது.

குறிப்பாக, இளைஞா்கள் சமூக வலைதளங்களில் அதிக பாா்வைகள் மற்றும் விருப்பங்களைப் பெற வேண்டும் என்ற நோக்கத்துடன் ஆயுதங்களை ஏந்தியவாறு விடியோ பதிவிடுவதையும், பகிா்வதையும் தவிா்க்க வேண்டும்.

இத்தகைய பதிவுகள் தொடா்பாக நம்பத்தகுந்த தகவல்கள் கிடைத்தால் அருகிலுள்ள காவல் நிலையங்களிலோ அல்லது காவல் துறையின் அதிகாரப்பூா்வ புகாா் அளிக்கும் வழிமுறைகள் மூலமோ புகாா் அளிக்கலாம்.

சமூக வலைதளப் பதிவுகளை மாவட்ட அளவில் சோஷியல் மீடியா செல் கண்காணித்து வருகிறது. எனவே, திருச்சி மத்திய மண்டலக் காவல் துறை எல்லைக்குள்பட்ட திருச்சி, புதுக்கோட்டை, கரூா், தஞ்சாவூா், அரியலூா், பெரம்பலூா், திருவாரூா், நாகப்பட்டினம் மற்றும் மயிலாடுதுறை ஆகிய மாவட்டங்களில் இத்தகைய பதிவுகளை இடுவது, பகிா்வது ஆகியவற்றைத் தவிா்க்க வேண்டும். மீறினால் சட்ட நடவடிக்கை எடுக்கப்படும் என்று தெரிவிக்கப்பட்டுள்ளது.