தூத்துக்குடியில் தொடரும் கொலைகள்: கனிமொழி எம்.பி. கண்டனம்

ஸ்ரீவைகுண்டம் அருகே கல்லூரி மாணவா் இசக்கிராஜா வெட்டிக் கொலை செய்யப்பட்ட சம்பவத்துக்கு, திமுக துணைப் பொதுச் செயலரும், தூத்துக்குடி மக்களவை உறுப்பினருமான கனிமொழி கண்டனம் தெரிவித்துள்ளாா்.

இதுகுறித்து அவா் தனது எக்ஸ் தளப் பதிவில், சாத்தான்குளம் படுகொலைச் சம்பவத்தின் ரத்தம் காய்வதற்குள் தூத்துக்குடியில் அடுத்த படுகொலை நிகழ்ந்திருப்பது அதிா்ச்சியளிக்கிறது. கடந்த வாரத்தில் மட்டும் மாவட்டத்தில் 5-க்கும் மேற்பட்ட கொலைகள் நடந்துள்ளன. அரிவாள் வெட்டு, சிறுமிகள் கடத்தல் என சட்டம் ஒழுங்கு சீரழிந்து வருகிறது.

சட்டம் ஒழுங்கு நிலை குறித்து தினமும் சுட்டிக்காட்டியும், நடவடிக்கை எடுக்காமல் சுணக்கம் காட்டும் தவெக அரசு, மக்களின் பாதுகாப்போடு விளையாடுவதை நிறுத்திவிட்டு, உரிய நடவடிக்கைகளை உடனடியாக எடுக்க வேண்டும் என அவா் வலியுறுத்தியுள்ளாா்.