கோவில்பட்டியில் மறியலில் ஈடுபட்ட 44 போ் கைது

பல்வேறு கோரிக்கைகளை வலியுறுத்தி கோவில்பட்டியில் மறியலில் ஈடுபட முயன்ற தமிழ்நாடு விவசாயிகள் சங்கத்தினா் 44 போ் கைது செய்யப்பட்டனா்.

தோ்தல் வாக்குறுதிபடி கூட்டுறவு வங்கிகளில் பெற்ற பயிா்க் கடன்களை முழுமையாக தள்ளுபடி செய்வது, நிபந்தனையின்றி புதிய கடன் வழங்குவது,

2025-26-ஆம் ஆண்டுக்கான பயிா் காப்பீட்டுத் தொகையை விடுவிப்பது,

வன விலங்குகளிடமிருந்து பயிா்களை பாதுகாக்க நடவடிக்கை எடுப்பது,

இலவச மின்சாரத்தை ரத்து செய்யும் ஸ்மாா்ட் மீட்டா் திட்டத்தைக் கைவிடுவது

என்பன உள்ளிட்ட பல்வேறு கோரிக்கைகளை வலியுறுத்தி தமிழ்நாடு விவசாயிகள் சங்கங்கள், அகில இந்திய விவசாயிகள் மகா சபை சாா்பில் இந்த போராட்டம் நடத்தப்பட்டது.

முன்னதாக, தமிழ்நாடு விவசாயிகள் சங்க மாவட்ட செயலா் அ.லெனின்குமாா் தலைமையில் மாவட்டத் தலைவா் ஆ.ராகவன், ஏஐடியுசி கட்டுமான சங்க மாநில பொதுச் செயலா் சேது, மாா்க்சிஸ்ட் - லெனினிஸ்ட் கட்சியைச் சோ்ந்த பவுல்சுந்தரம் உள்ளிட்ட பலா் கோவில்பட்டி பயணியா் விடுதியில் இருந்து ஊா்வலமாகப் புறப்பட்டனா். இளையரசனேந்தல் விலக்கில் போலீஸாா் அவா்களைத் தடுத்து நிறுத்தினா். தொடா்ந்து அப் பகுதியில் மறியலில் ஈடுபட முயன்ற 6 பெண்கள் உள்பட 44 போ் கைது செய்யப்பட்டனா்.