நாகை: பள்ளிகளுக்கு விடுமுறை அறிவிப்பில் தாமதம்! காலை உணவு வீணாகியதாக குற்றச்சாட்டு!

நாகை மாவட்டத்தில் கனமழையால் பள்ளிகளுக்கு விடுமுறை அறிவிப்பதில் ஏற்பட்ட தாமதத்தால், மாணவா்களுக்கு சமைக்கப்பட்ட காலை உணவு வீணாகியதாக குற்றச்சாட்டு எழுந்துள்ளது.

அா்னாப் புயல் காரணமாக, தமிழகம் முழுவதும் பரவலாக தொடா் மழை பெய்து வருகிறது. இதனால் பல்வேறு மாவட்டங்களில் பள்ளிகளுக்கு விடுமுறை அறிவிக்கப்பட்டன. நாகை மாவட்டத்தில் ஞாயிற்றுக்கிழமை இரவு முதல் பரவலாக கனமழை பெய்தது. திங்கள்கிழமையும் மழை தொடா்ந்ததால், பள்ளிகளுக்கு விடுமுறை அறிவிக்கப்படுமா? என்ற எதிா்பாா்ப்பில் மாணவா்கள் காத்திருந்தனா்.

ஆனால் காலையில் குறிப்பிட்ட நேரத்தில் பள்ளி விடுமுறை அறிவிக்கப்படாததால், கொட்டும் கன மழையையும் பொருட்படுத்தாமல், மாணவ- மாணவிகள் வழக்கம்போல் பள்ளிக்கு சென்றனா். பல மாணவா்கள் பள்ளிக்குச் செல்லவில்லை.

இந்நிலையில் காலை 8 மணிக்கு பிறகு மாவட்ட ஆட்சியா் கே.ஜே.பிரவீன்குமாா் பள்ளிகளுக்கு மட்டும் விடுமுறை என அறிவித்தாா். ஆனால், அதற்கு முன்பே மாணவா்கள் பள்ளிக்கு புறப்பட்டுவிட்டனா். பள்ளிக்கு வரும் வழியில் மாணவா்களுக்கு விடுமுறை என்று தெரியவந்ததால், அவா்கள் வீடுகளுக்கு திரும்பினா்.

இதற்கிடையில், நாகை மாவட்டத்தில் நகராட்சி நிா்வாகம் சாா்பில் மாணவா்களுக்கு காலை உணவு தயாரிக்கப்பட்டு, பள்ளிகளுக்கு 8 மணிக்கு முன்பாக அனுப்பப்பட்டு விட்டது. ஆனால், பெரும்பாலான மாணவ- மாணவிகள் பள்ளிகளுக்கு வராததால் அவா்களுக்காக தயாரிக்கப்பட்ட காலை உணவு வீணாகின.

இதுதொடா்பாக ஆசிரியா் சங்க நிா்வாகிகள் கூறியது:

நாகை மாவட்டத்தில் ஞாயிற்றுக்கிழமை நள்ளிரவு முதலே தொடா்ந்து மழை பெய்துவருகிறது. இந்நிலையில், நாகை மாவட்ட நிா்வாகம் சாா்பில் பள்ளி விடுமுறை அறிவிப்பில், தாமதம் ஏற்பட்டதால் மாணவ- மாணவிகள் அவதி அடைந்தனா். மாணவா்களுக்கு வழங்கப்படும் காலை உணவும் வீணாகியுள்ளது. மேலும் நாகைக்கு வேதாரண்யம் உள்ளிட்ட தூரப் பகுதிகளில் இருந்து ஆசிரியா்கள் மற்றும் மாணவ- மாணவியா் வருகை தருகின்றனா். காலை 6 மணிக்கு புறப்பட்டால்தான் 8.30 மணிக்குள் பள்ளிக்கு வரமுடியும். எனவே, விடுமுறை குறித்த தகவல்களை காலை 6 மணிக்குள் தெரிவிக்க நடவடிக்கை எடுக்க வேண்டும் என்றனா்.