தமிழ்நாடு அரசின் சிறந்த நூல்களுக்கான பரிசுக்கு எழுத்தாளர்கள் விண்ணப்பிக்கலாம்!தமிழகத்தில் ராஜஸ்தபதி காளியப்ப கவுண்டர், பேராசிரியர் கே. ராமசாமி, திருவாரூர் பக்தவத்சலம் ஆகியோர் பத்ம ஸ்ரீ பெற்றனர்.ஜூலை 1-ல் பொறியியல் மாணவர் சேர்க்கை தரவரிசைப் பட்டியல் வெளியீடு!கல்வித்துறை மற்றும் தொழில்நுட்ப முன்னேற்றத்திற்கு ஆற்றிய சிறந்த பங்களிப்பிற்காக, சென்னை ஐஐடி இயக்குனர் பேராசிரியர் வீ. காமகோடிக்கு பத்ம ஸ்ரீ விருதுதொழிலதிபர் எஸ்.கே. மயிலானந்தனுக்கு பத்ம பூஷண்! அரசுப் பள்ளிகளில் காலியாக உள்ள 18,107 பணியிடங்களை நிரப்ப நடவடிக்கை தேவை - அன்புமணி ராமதாஸ்தமிழ்நாட்டின் முதலீடுகளை சீர்குலைக்கும் தவெக அரசு இனியாவது ஆக்கப்பூர்வமான பணிகளில் கவனம் செலுத்த வேண்டும்: டிஆர்பி ராஜா
/

சீா்காழி தொகுதியில் மதிமுக வெற்றி

சீா்காழி தொகுதியில் மதிமுக வெற்றி...

News image

சீா்காழி (தனி) தொகுதியில் வெற்றி பெற்ற மதிமுக வேட்பாளா் செந்தில் செல்வனுக்கு, சான்றிதழ் வழங்கும் தோ்தல் நடத்தும் அலுவலா் சுரேஷ் உள்ளிட்டோா்.

Updated On :5 மே 2026, 1:00 am IST

சீா்காழி (தனி) சட்டப் பேரவைத் தொகுதியில் திமுக கூட்டணியில் உதயசூரியன் சின்னத்தில் போட்டியிட்ட மதிமுக வேட்பாளா் செந்தில் செல்வன் வெற்றி பெற்றாா்.

இத்தொகுதியில் மொத்தம் 2,41,319 வாக்காளா்கள் உள்ளனா். இவா்களில் 1,98,821 வாக்காளா்கள் ஏப்ரல் 23-ஆம் தேதி நடைபெற்ற தோ்தலில் வாக்களித்தனா்.

வாக்கு எண்ணிக்கை, மயிலாடுதுறை மன்னம் பந்தல் ஏவிசி பொறியியல் கல்லூரியில் அமைக்கப்பட்டிருந்த வாக்கு எண்ணும் மையத்தில் திங்கள்கிழமை நடைபெற்றது. மின்னணு வாக்குப்பதிவு இயந்திரங்களில் பதிவான வாக்குகள் 23 சுற்றுகளாக எண்ணப்பட்டன. அப்போது, 219 எண் கொண்ட மின்னணு வாக்குப்பதிவு இயந்திரம் பழுதானது.

இதனால், அத்துடன் இணைக்கப்பட்டிருந்த விவிபாட் இயந்திரத்தில் விழுந்த வாக்குகள் எண்ணப்பட்டன. இதில், மதிமுக 684, அதிமுக 591, தவெக 263, நாதக 67, நோட்டா 6 வாக்குகள் பெற்றன. முன்னதாக, இத்தொகுதியில் பதிவான 1,721 தபால் வாக்குகள் எண்ணப்பட்டன. இதில் 98 வாக்குகள் செல்லாதவையாக இருந்தன.

இறுதிச்சுற்றில் மதிமுக வேட்பாளா் செந்தில் செல்வன் 71,449 வாக்குகளும், அதிமுக வேட்பாளா் சக்தி 60,032 வாக்குகளும், தவெக வேட்பாளா் கோபிநாத் 59,149 வாக்குகளும், நாம் தமிழா் கட்சி வேட்பாளா் சுபாஷ் 7,397 வாக்குகளும் பெற்றனா். நோட்டோவில் 555 வாக்குகள் பதிவாகியிருந்தது.

இதன்மூலம் மதிமுக வேட்பாளா் தனக்கு அடுத்தப்படியாக வந்த அதிமுக வேட்பாளரை விட 11,417 வாக்குகள் கூடுதலாக பெற்று, வெற்றி பெற்றாா்.

வெற்றி பெற்ற மதிமுக வேட்பாளா் செந்தில் செல்வனுக்கு, சீா்காழி தொகுதி தோ்தல் நடத்தும் அலுவலா் சுரேஷ் மற்றும் அதிகாரிகள் சான்றிதழ் வழங்கினா்.

பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.