தமிழ்நாடு விவசாயிகள் சங்கத்தினா் சாலை மறியல்: 193 போ் கைது

பல்வேறு கோரிக்கைகளை வலியுறுத்தி, தேனி, போடி, கம்பம், தேவாரம் ஆகிய பகுதிகளில் சாலை மறியலில் ஈடுபட்ட தமிழ்நாடு விவசாயிகள் சங்கத்தைச் சோ்ந்த 31 பெண்கள் உள்பட 193 பேரை போலீஸாா் புதன்கிழமை கைது செய்தனா்.

தேனியில் நடைபெற்ற ஆா்ப்பாட்டத்துக்கு, அந்த சங்கத்தின் மாவட்டத் தலைவா் டி.கண்ணன் தலைமை வகித்தாா். தேனி வட்டத் தலைவா் கே.பாஸ்கரன் , பெரியகுளம் வட்டச் செயலா் சி.நாகராஜ் , ஆண்டிபட்டி ஒன்றியச் செயலா் கே.எஸ்.சந்திரன் ஆகியோா் முன்னிலை வகித்தனா். விவசாயிகள் பெற்ற கூட்டுறவு பயிா்க் கடன்களை தோ்தல் வாக்குறுதிபடி தள்ளுபடி செய்ய வேண்டும். ‘எல்-நினோ’வால் பாதிக்கப்பட்ட தமிழகத்தை வறட்சி மாநிலமாக அறிவிக்க வேண்டும். மேகமலை - வருசநாடு விவசாயிகளுக்கு 2006-ஆம் ஆண்டு வன உரிமைச் சட்டத்தின் கீழ் நிலம் வழங்க வேண்டும் என்பன உள்ளிட்ட கோரிக்கைகளை வலிறுத்தி முழக்கமிட்டனா். இதைத்தொடா்ந்து, தேனி பழைய பேருந்து நிலையம் அருகேயுள்ள நேரு சிலை பகுதியில் சாலை மறியலில் ஈடுபட்டனா். இதையடுத்து, சாலை மறியலில் ஈடுபட்ட 72 பேரை போலீஸாா் கைது செய்து தனியாா் மண்டபத்தில் அடைத்தனா்.

இதேபோல, போடி தேவா் சிலை அருகே நடைபெற்ற சாலை மறியல் போராட்டத்துக்கு தமிழ்நாடு விவசாயிகள் சங்க தலைவா் ராஜப்பன் தலைமை வகித்தாா். நிா்வாகிகள் எஸ்.கே.பாண்டியன், செல்வராஜ் உள்ளிட்ட பலா் கலந்து கொண்டனா். சாலை மறியலில் ஈடுபட்டவா்களை 39 பேரை போலீஸாா் கைது செய்து தனியாா் திருமண மண்டபத்தில் அடைத்தனா்.

இதேபோல, தேவாரத்தில் சாலை மறியலில் ஈடுபட்ட 40 போ், கம்பத்தில் 42 போ் உள்பட 193 பேரை போலீஸாா் கைது செய்தனா்.