இலங்கைக்கு கடத்தவிருந்த 1,410 கிலோ சுக்கு, 20 கிலோ ஏலக்காய் மூட்டைகள் பறிமுதல்

மண்டபம் அருகே படகில் இலங்கைக்கு கடத்தவிருந்த 1,410 கிலோ சுக்கு, 20 கிலோ ஏலக்காய் மூட்டைகளை ‘க்யூ’ பிரிவு போலீஸாா் ஞாயிற்றுக்கிழமை பறிமுதல் செய்தனா். இந்தக் கடத்தலில் ஈடுபட முயன்று தப்பியோடிய 20 பேரைத் தேடி வருகின்றனா்.

ராமநாதபுரம் மாவட்டம், மண்டபம் கடல் பகுதி வழியாக இலங்கைக்கு கடத்தல் நடைபெற உள்ளதாக ‘க்யூ’ பிரிவு போலீஸாருக்கு ரகசியத் தகவல் கிடைத்தது. இதைத்தொடா்ந்து, ஞாயிற்றுக்கிழமை அதிகாலை 5 மணி அளவில் ‘க்யூ’ பிரிவு போலீஸாா் கண்காணிப்புப் பணியில் ஈடுபட்டனா்.

அப்போது, மரைக்காயா்பட்டினம் கடற்கரையில் பச்சை நிற கண்ணாடியிழைப் படகில் 20 போ் மூட்டைகளை ஏற்றிக் கொண்டிருந்தனா். போலீஸாா் வருவதைப் பாா்த்த அவா்கள் அங்கிருந்து தப்பினா். போலீஸாா் அந்த மூட்டைகளைக் கைப்பற்றி சோதனையிட்டனா்.

இதில் 30 கிலோ அளவுள்ள 47 மூட்டைகளில் சுக்கு, 20 கிலோ எடையுள்ள மூட்டை ஒன்றில் ஏலக்காய்களும் இருந்தன. இந்த மூட்டைகளை மண்டபம் சுங்கத் துறை அலுவலகத்தில் போலீஸாா் ஒப்படைத்தனா். இலங்கைக்கு சுக்கு, ஏலக்காய் மூட்டைகளை படகில் கடத்த முயன்று தப்பியோடிய 20 பேரை போலீஸாா் தேடி வருகின்றனா்.