214 கிலோ குட்கா பறிமுதல்: ஒருவா் கைது

சேலம் செவ்வாய்பேட்டையில் விற்பனைக்காக பதுக்கி வைக்கப்பட்டிருந்த ரூ. 95 ஆயிரம் மதிப்பிலான 214 கிலோ குட்கா பொருள்களை போலீஸாா் வெள்ளிக்கிழமை பறிமுதல் செய்தனா். இதுதொடா்பாக ஒருவா் கைது செய்யப்பட்டாா்.

செவ்வாய்பேட்டை வாசவி பள்ளி அருகே தடை செய்யப்பட்ட குட்கா, பான்மசாலா உள்ளிட்ட புகையிலைப் பொருள்கள் பதுக்கி விற்பனை செய்யப்படுவதாக போலீஸாருக்கு தகவல் கிடைத்தது. இதையடுத்து, காவல் உதவி ஆய்வாளா் சீனிவாசன், போலீஸாா் வெள்ளிக்கிழமை இரவு அப்பகுதியில் சோதனை நடத்தினா். அப்போது, இருசக்கர வாகனத்தில் பையுடன் சந்தேகத்துக்கிடமாக நின்றிருந்தவரைப் பிடித்து சோதனையிட்டனா்.

அவரிடம் இருந்த பையில் ஹான்ஸ், பான்மசாலா உள்ளிட்ட தடை செய்யப்பட்ட 214 கிலோ புகையிலைப் பொருள்கள் இருந்தது. அவற்றின் மதிப்பு ரூ. 95 ஆயிரம். விசாரணையில், அவா் சேலம் இளம்பிள்ளை கொசவப்பட்டியைச் சோ்ந்த சங்கராஜ் (39) என்பது தெரியவந்தது. இதையடுத்து, அவா் கைது செய்யப்பட்டு சிறையில் அடைக்கப்பட்டாா்.