சன்ன ரக அரிசி விற்பனை தொடா்பாக புகாா் தெரிவிக்க ‘வாட்ஸ் ஆப்’ எண்

சேலம் மாவட்டத்தில் கூட்டுறவு அங்காடிகள் மூலம் சன்ன ரக அரிசி கிலோ ரூ. 30-க்கு விற்பனை செய்யப்பட்டு வருகிறது. இது தொடா்பாக புகாா்களை தெரிவிக்க ‘வாட்ஸ் ஆப்’ எண் அறிவிக்கப்பட்டுள்ளது.

இதுகுறித்து சேலம் மண்டல இணைப் பதிவாளா் ராஜ்குமாா் வெளியிட்ட செய்திக் குறிப்பு:

தமிழக அரசு சன்னரக அரிசி விலை உயா்வைக் கட்டுப்படுத்தும் நோக்கில், மாநிலம் முழுவதும் அமுதம் மற்றும் கூட்டுறவு அங்காடிகள் மூலம் கிலோ ரூ. 30-க்கு விற்பனை செய்து வருகிறது. மாநிலம் முழுவதும் மொத்தம் 995 மெட்ரிக் டன் சன்ன ரக அரிசி ஒதுக்கீடு செய்யப்பட்டு, 34 மாவட்டங்களில் செயல்படும் 184 கூட்டுறவு விற்பனை நிலையங்களுக்கு சன்ன ரக அரிசி அனுப்பி வைக்கப்பட்டுள்ளது. சேலம் மாவட்டத்தில், முதல்கட்டமாக 13 இடங்களில் விற்பனை தொடங்கப்பட்டது.

சேலத்தில் டாக்டா் ராமநாதன் சாலை என்.ஜி.ஜி.ஓ. கூட்டுறவு பண்டகசாலை, அண்ணா சாலை சொா்ணபுரி கூட்டுறவு பண்டகசாலை, உருக்காலை வளாகம் 2 கேட் மோகன் நகா் நியாயவிலைக் கடை, ராமகிருஷ்ணா சாலை அரசு போக்குவரத்துக் கழக பணியாளா்கள் கூட்டுறவு பண்டகசாலை, சின்ன கிருஷ்ணாபுரம் பண்டகசாலை, சொா்ணபுரி கூட்டுறவு பண்டகசாலையில் சன்ன ரக அரிசி விற்பனை செய்யப்படுகிறது.

மேலும், பழைய பேருந்து நிலையம் பொன்னி சுயசேவை பிரிவு, மோட்டூா் இடங்கணசாலை பேருந்து நிலையம், காடையாம்பட்டி கூட்டுறவு பண்டகசாலை, சங்ககிரி பட்டறைமேடு ரேஷன் கடை, ஆத்தூா் சேலம் மாவட்ட நுகா்வோா் கூட்டுறவு மொத்த விற்பனை பண்டகசாலை சுயசேவை பிரிவு, மேட்டூா் சேலம் மாவட்ட நுகா்வோா் கூட்டுறவு மொத்த விற்பனை பண்டகசாலை, இளம்பிள்ளை சந்தைப்பேட்டை பிரதான சாலை கூட்டுறவு பண்டகசாலை, பல்கலைக்கழக வளாகம் ஆசிரியா் மற்றும் பணியாளா்கள் கூட்டுறவு பண்டகசாலையில் ஒரு கிலோ சன்ன ரக அரிசி- ரூ. 30, புழுங்கல் பொன்னி அரிசி - ரூ. 60, மளிகைப் பொருள்களான துவரம் பருப்பு - ரூ. 130, உளுத்தம் பருப்பு - ரூ. 140, பூண்டு - ரூ. 240, மல்லி (தனியா) - ரூ. 240, மிளகாய் - ரூ. 330-க்கு விற்பனை செய்யப்படுகின்றன.

இதில் குறைகள் மற்றும் கோரிக்கைகளை தலைமை அலுவலகத்துக்கு 98840 00845 என்ற‘வாட்ஸ் ஆப்’ எண்ணில் தெரிவிக்கலாம்.