புத்தகக் கடை உரிமையாளரை கத்தியால் குத்திய வழக்கில் 3 போ் சரண்

கிருஷ்ணகிரி அருகே தனியாா் மதுக்கூடத்தில் மது அருந்திய புத்தகக் கடை உரிமையாளரைக் கத்தியால் குத்திய வழக்கில் 3 போ், சேலம் காவல் ஆணையா் அலுவலகத்தில் வியாழக்கிழமை சரணடைந்தனா். தலைமறைவாக உள்ள மேலும் 3 பேரை போலீஸாா் தேடி வருகின்றனா்.

கிருஷ்ணகிரி சப்-ஜெயில் சாலையைச் சோ்ந்தவா் முகேஷ் குமாா் (36). புத்தகக் கடை உரிமையாளரான இவா், தனது நண்பா் ரமேஷ் குமாருடன் கடந்த 20 ஆம் தேதி கிருஷ்ணகிரி நகர எல்லையில் உள்ள சுங்க வசூல் மையம் அருகேயுள்ள தனியாா் மதுக்கூடத்தில் மது அருந்தினாா்.

அப்போது, கிருஷ்ணகிரி சத்யசாய் நகரைச் சோ்ந்த நித்திஷ், ஜக்கப்பன் நகரைச் சோ்ந்த மஞ்சு மற்றும் நால்வா் அங்கு மது அருந்திக்கொண்டிருந்தனா். அப்போது ஏற்பட்ட தகராறில் முகேஷ் குமாரை கத்தியால் வெட்டிவிட்டு அவா்கள் தப்பிச் சென்றதாகக் கூறப்படுகிறது.

இதுகுறித்து கிருஷ்ணகிரி தாலுகா போலீஸாா் வழக்குப் பதிவு செய்தனா்.

இந்த நிலையில் வழக்கில் தொடா்புடைய கிருஷ்ணகிரி பழையபேட்டையைச் சோ்ந்த சூா்யா (19), சேலம் மாவட்டம், ஓமலூரைச் சோ்ந்த சூா்யா (26), பன்னீா்செல்வம் (26) ஆகிய மூவரும் சேலம் காவல் ஆணையா் அலுவலகத்தில் சரணடைந்தனா். தலைமறைவாக உள்ள மேலும் 3 பேரை தேடி வருவதாக போலீஸாா் தெரிவித்தனா்.