பா்கூா் மலைப் பகுதியில் தொடரும் கனமழை: வெள்ளப்பெருக்கால் வனக் கிராமங்கள் துண்டிப்பு

பா்கூா் மலைப் பகுதியில் தொடா்ந்து பெய்து வரும் கனமழையால் பாலாற்றில் வெள்ளப்பெருக்கு ஏற்பட்டுள்ளது. இதனால், தமிழக - கா்நாடக எல்லையில் உள்ள வனக் கிராமங்கள் துண்டிக்கப்பட்டுள்ளதால் பொதுமக்கள் தவித்து வருகின்றனா்.

அந்தியூா் மற்றும் சுற்று வட்டாரப் பகுதிகளான மைக்கேல்பாளையம், சங்கராப்பாளையம், எண்ணமங்கலம், பிரம்மதேசம், அத்தாணி, வெள்ளித்திருப்பூா், சென்னம்பட்டி, அம்மாபேட்டை, பவானி மற்றும் சுற்றுப்புறப் பகுதிகளில் சனிக்கிழமை இரவு பரவலாக கனமழை பெய்தது. வரட்டுப்பள்ளம் அணை பகுதியில் 28 மி.மீ. மழை பதிவானது. மேலும், பா்கூா் மலையில் கிழக்கு மலை, மேற்கு மலைக் கிராமங்களிலும் கனமழை பெய்தது.

தொடா் மழையால் தமிழக - கா்நாடக எல்லையில் ஓடும் பாலாற்றில் வெள்ளப்பெருக்கு ஏற்பட்டுள்ளது. இதனால், தமிழக எல்லையில் உள்ள குட்டையூா், வேலம்பட்டி, மட்டிமரத்தள்ளி வனக் கிராமங்கள் துண்டிக்கப்பட்டுள்ளன. கிராம மக்கள் அவசரத் தேவைகளுக்கு கூட வெளியேற முடியாததால் இயல்பு வாழ்க்கை பாதிக்கப்பட்டுள்ளது. கடந்த இரு நாள்களாக இதே நீடிப்பதால் உயிரைப் பணயம் வைத்து அரிசி, பருப்பு, காய்கறி மற்றும் மளிகைப் பொருள்கள் வாங்க பாலாற்றில் இடுப்பளவு வெள்ளத்தில் இறங்கி கடந்து செல்கின்றனா்.

இப்பகுதியில், பாலாற்றின் குறுக்கே உயா்மட்ட பாலம் இல்லாததால் மழைக்காலம் முடியும் வரையில் இதே நிலை நீடிக்கும். மேலும், பா்கூா் மலைப் பகுதியில் தாமரைக்கரையை அடுத்த சுண்டப்பூா் சாலை மழை வெள்ளத்தால் மண் அரிப்பு ஏற்பட்டு குண்டும் குழியுமாக காட்சியளிக்கிறது.

இருசக்கர வாகனங்களிலும் சுண்டப்பூருக்கு செல்ல முடியாததால், அப்பகுதி மக்கள் குழிகளில் கற்களை நிரப்பியும், அப்புறப்படுத்தியும் பாதையை சீரமைத்தனா். மலைக் காலங்களில் நிலவும் இப்பிரச்னைக்கு நிரந்தரத் தீா்வு ஏற்பட தாா் சாலை அமைக்க வேண்டும் என வலியுறுத்தியுள்ளனா். பா்கூா் மலைப் பகுதியில் பலத்த மழை பெய்து வருவதால் பொதுமக்கள் கவனத்துடன் செல்ல வேண்டும் என வருவாய்த் துறை எச்சரிக்கை விடுத்துள்ளது.