ரத்தினம் கல்லூரியில் விளையாட்டு விழா

ரத்தினம் கலை, அறிவியல் கல்லூரியில் நடைபெற்ற ஆண்டு விளையாட்டு விழாவில் வெற்றி பெற்ற அணிக்கு பரிசளித்துப் பாராட்டும் கல்லூரி நிா்வாகிகள்.

Updated On :20 மார்ச் 2026, 2:02 am IST

Syndication

கோவை ரத்தினம் கலை, அறிவியல் கல்லூரியின் ஆண்டு விளையாட்டு விழா அண்மையில் நடைபெற்றது.

ரத்தினம் கல்லூரியின் உடற்கல்வித் துறை, மாணவா் பேரவை சாா்பில் 25-ஆவது ஆண்டு விளையாட்டு விழாவை வியூஹா என்ற பெயரில் நடைபெற்றது. இதில், ஆடவா், மகளிருக்கு 16 விளையாட்டுப் போட்டிகள், 10 தடகளப் போட்டிகள் நடத்தப்பட்டன. இதில் 1,200 மாணவ, மாணவிகள் பங்கேற்றனா்.

இதில் 398 போ் பல்வேறு பிரிவுகளில் பதக்கம் வென்றனா். இந்த விழாவில் வெற்றி பெற்ற அணிகள், தனிநபா்களுக்கு சான்றிதழ்கள், கோப்பைகள் வழங்கப்பட்டன. மேலும் இந்த நிகழ்ச்சியில் மாநில, தேசிய அளவிலான விளையாட்டுப் போட்டிகளில் சாதனை படைத்த 16 மாணவ, மாணவிகளுக்கு விருது வழங்கப்பட்டது.

பரிசளிப்பு விழாவில் ரத்தினம் குழும இயக்குநா் ஷிமா செந்தில், முதன்மை நிா்வாக அலுவலா் ஆா்.மாணிக்கம், பி.நாகராஜ், கல்லூரி முதல்வா் எஸ்.பாலசுப்ரமணியன், விளையாட்டு வீரா் கே.எஸ்.முகமது நிஜாமுதீன் உள்ளிட்டோா் பங்கேற்றனா். முன்னதாக உடற்கல்வி இயக்குநா் எஸ்.ஜொய்சி, உதவி இயக்குநா் எஸ்.ரமேஷ் ஆகியோா் ஆண்டு விளையாட்டு அறிக்கை வாசித்தனா்.

பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.

தொடர்புடையது