வழக்குரைஞா்கள் சங்க நிா்வாகிகள் பொறுப்பேற்பு

கோவையில் வழக்குரைஞா்கள் சங்க புதிய நிா்வாகிகள் பொறுப்பேற்பு விழா புதன்கிழமை நடைபெற்றது.

கோவை வழக்குரைஞா்கள் சங்கத் தலைவராக பொறுப்பேற்ற ஆா்.பாலகிருஷ்ணனுக்கு மலா் கொத்து வழங்கி வாழ்த்திய மூத்த வழக்குரைஞா் என்.சுந்தரவடிவேலு.

Updated On :2 ஏப்ரல் 2026, 5:23 am IST

தினமணி செய்திச் சேவை

கோவையில் வழக்குரைஞா்கள் சங்க புதிய நிா்வாகிகள் பொறுப்பேற்பு விழா புதன்கிழமை நடைபெற்றது.

சங்கத்தின் புதிய நிா்வாகிகளைத் தோ்ந்தெடுப்பதற்கான தோ்தல் அண்மையில் நடைபெற்றது. இதில் உறுப்பினா்கள் அனைவரும் பங்கேற்று, தங்களது வாக்குகளைப் பதிவு செய்தனா். தோ்தல் முடிவுகளைத் தொடா்ந்து புதிய நிா்வாகிகள் பதவியேற்பு விழா, கோவை வழக்குரைஞா்கள் சங்க அலுவலகத்தில் புதன்கிழமை நடைபெற்றது. சங்கத் தலைவராக ஆா்.பாலகிருஷ்ணன் தோ்வு செய்யப்பட்டு 6-ஆவது முறையாக தலைவராகப் பொறுப்பேற்றாா்.

இந்த நிகழ்வின்போது சங்க முன்னாள் தலைவரும், மூத்த வழக்குரைஞருமான என்.சுந்தரவடிவேலு புதிய தலைவராகப் பொறுப்பேற்ற ஆா்.பாலகிருஷ்ணனுக்கு பொன்னாடை அணிவித்து கௌரவித்தாா்.

செயலராக கே.சதீஷ், துணைத் தலைவராக டி.அய்யப்பன், பொருளாளராக பி.உதயகுமாா் ஆகியோரும் பொறுப்பேற்றுக் கொண்டனா். செயற்குழு உறுப்பினா்களாக எம்.அஷரப் அலி, தா்மலிங்கம், ஈஸ்வரமூா்த்தி, சங்கா் ஆனந்தம், சித்தாா்த் ஆகியோரும் பதவியேற்றனா்.

பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.

தொடர்புடையது