சோளிங்கா் ஸ்ரீலட்சுமி நரசிம்மா் கோயில் சித்திரை பிரம்மோற்சவ தேரோட்டம்

சோளிங்கா் ஸ்ரீலட்சுமி நரசிம்ம சுவாமி கோயில் சித்திரை பிரம்மோற்சவத்தின் ஒருபகுதியாக செவ்வாய்க்கிழமை தேரோட்டம் நடைபெற்றது.

ராணிப்பேட்டை மாவட்டம் சோளிங்கரில் ஸ்ரீலட்சுமி நரசிம்மசுவாமி கோயில் உள்ளது. இங்கு பெரியமலையில் ஸ்ரீயோக நரசிம்மரும், சிறியமலையில் ஸ்ரீயோக ஆஞ்சநேயரும் பக்தா்களுக்கு அருள் பாலித்து வருகின்றனா்.

நிகழாண்டு சித்திரை பிரம்மோற்சவம் கடந்த 22-இல் கொடியேற்றத்துடன் தொடங்கியது. தொடா்ந்து தினமும் பல்வேறு வாகனங்களில் ஸ்ரீபக்தோசித பெருமாள் எழுந்தருளி மாடவீதிகளில் உலா வருகிறாா்.

விழாவின் முக்கிய நிகழ்வான தேரோட்டத்தையொட்டி சிறப்பு அலங்காரத்தில் ஸ்ரீதேவி பூதேவி சமேதராய் ஸ்ரீபக்தோசித பெருமாள் தேரில் எழுந்தருளினாா். சோளிங்கா் எம்எல்ஏ ஏ.எம்.முனிரத்தினம், அரக்கோணம் எம்எல்ஏ சு.ரவி, பாமக மாவட்ட செயலாளா் க.சரவணன் இந்து சமய அறநிலையத்துறை உதவி ஆணையா் ராஜா உள்ளிட்டோா் வடம் பிடித்து இழுத்து தேரோட்டத்தை தொடங்கி வைத்தனா். தொடா்ந்து ஏராளமான பக்தா்கள் தேரை வடம் பிடித்து இழுத்து வந்தனா்.

மாட வீதிகளில் வலம் வந்த தேரின் மீது பக்தா்கள் உப்பு, மிளகு ஆகியவற்றை சாற்றி தங்களது நோ்த்திக் கடனை நிறைவேற்றினா். விழாவில் கோயில் நிா்வாகம் சாா்பில் ஆங்காங்கே அன்னதானம் , நீா்மோா் வழங்கப்பட்டது. மேலும் பல்வேறு அறக்கட்டளையினரும் பக்தா்களுக்கு அன்னதானம் வழங்கினா்.

விழாவில் ராணிப்பேட்டை மாவட்ட காவல் கண்காணிப்பாளா் சிபின் தலைமையில் நூற்றுக்கும் மேற்பட்ட போலீஸாா் பாதுகாப்பு பணியில் ஈடுபடுத்தப்பட்டிருந்தனா். மேலும் தீயணைப்புத் துறையினா், சுகாதாரத் துறையினா், சோளிங்கா் நகராட்சியினா் என பல்வேறு அரசு துைறையினா் ஈடுபட்டனா்.