அடுப்பறை அலப்பறை....

'மாவு ஆட்டுறவருக்கு ஞாபக மறதி...''

'எப்படிச் சொல்றே?''

'எதிர்த்த ஹோட்டலில் சாப்பிட்டுட்டு, இங்கே வந்து மாவு ஆட்டுறார்!''

-எம்.அசோக்ராஜா, அரவக்குறிச்சிப்பட்டி.



'ஆபிஸூக்குப் போனால் மேனேஜரோடு சண்டை, வீட்டுக்குப் போனால் மனைவியோட சண்டை, அதான் கோயிலுக்கு வந்தேன்..''

'அப்புறம் ஏன் கவலை?''

'பிரசாதம் தரலைன்னு கோயில் பூசாரியிடம் சண்டை போட்டுட்டேன்!''

-இந்துகுமரப்பன், விழுப்புரம்.



'படம் போட்டதும் ஏன் எல்லோரும் தும்முறாங்க?''

'இது மசாலாப் படமாச்சே!''

-எஸ்.கார்த்திக் ஆனந்த், காளனம்பட்டி.



'உங்க மாஸ்டரை ஏன் வேலையில் இருந்து நிறுத்திட்டாங்க?''

'விறகு அடுப்புல சமைக்கவே தெரியாதாம்!''



'என்ன இது? உங்க ஆபிஸ் ஃபைல் எல்லாம் கேன்டீனில் இருக்கே?''

'எங்க ஆபிஸ்ல வேலை செய்யறவங்க 'முக்கால்வாசி நேரம்' கேன்டீனில்தானே இருக்காங்க, அதான்!''



'என்ன சார்... மொய் வைக்காமல் சாப்பிட்டு வந்துட்டீங்களே?''

'சாப்பாடு நல்லா இருந்தால்தான் மொய் வைப்பது என் வழக்கம்!''

-அ.சுஹைல் ரஹ்மான், திருச்சி.