தீபாவளிக்கு மறுநாள் விடுமுறை! தமிழ்நாடு அரசு அறிவிப்பு!

தீபாவளிக்கு மறுநாள் (நவ. 9) அரசு உள்ளூா் விடுமுறை என தமிழக அரசு அறிவித்துள்ளது.

இது குறித்து தமிழக அரசு சாா்பில் வெளியிடப்பட்ட அரசாணை:

நிகழாண்டு தீபாவளி ஞாயிற்றுக்கிழமை (நவ. 8) கொண்டாடப்படுவதை முன்னிட்டு, தீபாவளிக்கு அடுத்த நாள் நவ. 9 (திங்கள்கிழமை) தமிழ்நாடு முழுவதும் உள்ள அனைத்து அரசு அலுவலகங்கள், பொதுத்துறை நிறுவனங்கள், பள்ளிகள், கல்லூரிகள் மற்றும் அனைத்து கல்வி நிறுவனங்களுக்கும் உள்ளூா் விடுமுறை வழங்கப்படுகிறது. பலதரப்பிலிருந்து வரப்பெற்ற கோரிக்கைகளை ஏற்று, அரசு கவனமுடன் பரிசீலித்து இந்த உத்தரவை வழங்கியுள்ளது.

சாதாரண அரசு அலுவலகங்களுக்கு நவ. 9 விடுமுறை என்பதால், வங்கிகள் மற்றும் நிதி நிறுவனங்களுக்கு ஏற்படும் சிரமத்தை தவிா்க்க, அவா்களுக்கு அந்த விடுமுறைக்கு ஈடாக நவ. 28-இல் விடுமுறை வழங்கப்படும்.

இது தொடா்பாக அனைத்து மாவட்ட ஆட்சியா்களும் தங்கள் மாவட்டங்களில் உள்ள கருவூலங்கள், சாா்நிலை கருவூலங்கள் உள்ளிட்ட பணியாளா்களோடு தகுந்த ஏற்பாடுகள் செய்ய வேண்டும் எனத் தெரிவிக்கப்பட்டுள்ளது. இதனால், தீபாவளியையொட்டி, நவ. 7 முதல் 9 வரை மூன்று நாள்கள் தொடா் விடுமுறை கிடைக்கும்.