எஸ்ஐஆர்: சென்னையில் இந்தியா கூட்டணி நாளை ஆர்ப்பாட்டம்! தவெக முதல்முறையாக பங்கேற்பு!

இந்திய தலைமைத் தேர்தல் ஆணையர் ஞானேஷ் குமாரைப் பதவி நீக்கம் செய்யக் கோரி இந்தியா கூட்டணி சார்பில் நாளை (அக். 15) சென்னையில் ஆர்ப்பாட்டம் நடைபெறவிருக்கிறது.

எஸ்ஐஆர் விவகாரத்தில் தலைமைத் தேர்தல் ஆணையர் ஞானேஷ் குமார் தன்னிச்சையாக செயல்பட்டதாக குற்றச்சாட்டு எழுந்த நிலையில் அவரை பதவி விலக வலியுறுத்தி எதிர்க்கட்சிகளும் இளைஞர்களும் நாடு முழுவதும் போராட்டம் நடத்தி வருகின்றனர்.

தில்லியில் நாளுக்கு நாள் போராட்டம் வலுத்து வருகிறது. பல்வேறு தடைகளை மீறி கரப்பான் பூச்சி ஜனதா கட்சியினர் போராட்டத்தைத் தொடர்ந்து வருகின்றனர்.

தில்லியில் இந்தியா கூட்டணி சார்பில் போராட்டம் நடைபெற்ற நிலையில் சென்னையில் நாளை (அக். 15) ஆர்ப்பாட்டம் நடத்த திட்டமிடப்பட்டுள்ளது.

தலைமைத் தேர்தல் ஆணையர் ஞானேஷ் குமாரைப் பதவி நீக்கம் செய்யக் கோரி சென்னை எழும்பூரில் நடைபெறும் இந்த ஆர்ப்பாட்டத்தில் காங்கிரஸ், கம்யூனிஸ்ட், மதிமுக, விசிக, ஐயூஎம்எல் கட்சி தலைவர்கள் பங்கேற்கின்றனர்.

முதல்முறையாக இந்தியா கூட்டணி ஆர்ப்பாட்டத்தில் தவெக பங்கேற்கிறது. தவெக சார்பில் பள்ளிக்கல்வித் துறை அமைச்சர் ராஜ்மோகன் பங்கேற்கவிருக்கிறார்.

எஸ்ஐஆர் மற்றும் ஞானேஷ் குமார் விவகாரத்தில் தவெக தலைவரும் முதல்வருமான விஜய் இதுவரை தன்னுடைய எதிர்ப்பைப் பதிவு செய்யவில்லை என எதிர்க்கட்சிகள் குற்றம்சாட்டி வருகின்றன.