ஞானேஷ் குமாருக்கு எதிராக சென்னையில் இந்தியா கூட்டணி ஆர்ப்பாட்டம்!

தலைமை தோ்தல் ஆணையா் ஞானேஷ் குமாா் பதவி விலகக்கோரி, சென்னையில் இந்தியா கூட்டணிக் கட்சிகள் இன்று ஆர்ப்பாட்டம் நடத்தினர்.

வாக்காளர் பட்டியல் சிறப்பு தீவிர திருத்த நடவடிக்கையில் முறைகேடுகள் நடந்ததாக எழுந்த குற்றச்சாட்டைத் தொடர்ந்து, இந்திய தலைமைத் தேர்தல் ஆணையர் ஞானேஷ் குமாருக்கு எதிராகவும் அவர் பதவி விலகக் கோரியும் நாடு முழுவதும் போராட்டம் வலுவடைந்து வருகிறது.

இந்த நிலையில், ஞானேஷ் குமாருக்கு எதிராக சென்னையில் இந்தியா கூட்டணியில் உள்ள கட்சிகள் இன்று ஆர்ப்பாட்டம் நடைபெற்றது.

காங்கிரஸ் மாநில கமிட்டித் தலைவர் மாணிக்கம் தாகூர் தலைமையில் நடைபெற்ற ஆர்ப்பாட்டத்தில் தவெக சார்பில் அமைச்சர் ராஜ்மோகன், மதிமுக பொதுச் செயலாளர் வைகோ, சிபிஐ மாநிலச் செயலாளர் மு. வீரபாண்டியன், சிபிஎம் மாநிலச் செயலாளர் பெ. சண்முகம், விசிக தலைவர் தொல். திருமாவளவன் உள்ளிட்டோர் பங்கேற்றனர்.

இந்தியா கூட்டணியிலிருந்து திமுக விலகிய பிறகு, அந்த கூட்டணியின் போராட்டத்தில் தவெக முதல்முறையாக பங்கேற்றிருப்பது குறிப்பிடத்தக்கது.