முதல்வர் விஜய்யை சந்திக்கிறார் ராகுல் காந்தி!

சென்னைக்கு வரும் மக்களவை எதிா்க்கட்சித் தலைவரும் காங்கிரஸ் மூத்த தலைவருமான ராகுல் காந்தி தமிழக முதல்வரும், தவெக தலைவருமான சி.ஜோசப் விஜய்யை சனிக்கிழமை சந்தித்துப் பேசவுள்ளதாக தமிழக காங்கிரஸ் தலைவா் மாணிக்கம் தாகூா் எம்.பி. தெரிவித்தாா்.

எதிா்க்கட்சித் தலைவரும், காங்கிரஸ் மூத்த தலைவருமான ராகுல் காந்தி தில்லியில் இருந்து விமானம் மூலம் சனிக்கிழமை நண்பகல் 12.30 மணிக்கு சென்னை விமான நிலையத்துக்கு வருகிறாா். அவரை தமிழக காங்கிரஸ் தலைவா் மாணிக்கம் தாக்கூா், அமைச்சா்கள், எம்.பி.க்கள், எம்எல்ஏ-க்கள் உள்ளிட்டோா் வரவேற்கின்றனா். அவா் ஹோட்டல் தாஜ் கன்னிமாராவில் தங்குகிறாா்.

இதற்கான ஏற்பாடுகளை தமிழக காங்கிரஸ் தலைவா் மாணிக்கம் தாக்கூா், மேலிடப் பொறுப்பாளா் குலாம் அகமதுமிா், அமைச்சா்கள் எஸ்.ராஜேஷ்குமாா், பி.விஸ்வநாதன் ஆகியோா் பாா்வையிட்டனா்.

இதைத் தொடா்ந்து, செய்தியாளா்களிடம் காங்கிரஸ் தலைவா் மாணிக்கம் தாக்கூா் கூறியதாவது:

தில்லியிலிருந்து சென்னைக்கு வரும் ராகுல் காந்தி, தமிழக முதல்வா் சி.ஜோசப் விஜய்யை அவரது இல்லத்தில் சந்தித்துப் பேசுகிறாா். தொடா்ந்து மாலையில் சென்னை தீவுத்திடலில் மாலை 5 மணிக்கு நடைபெறும் மாணவா் குரல் சந்திப்பு நிகழ்ச்சியில் பங்கேற்கிறாா். அதில், பங்கேற்க தமிழகத்தின் பல்வேறு பகுதிகளில் இருந்தும் சுமாா் 1 லட்சம் போ் வரை பெயா்களைப் பதிவு செய்துள்ளனா். அவா்களில் 10,000 முதல் 20,000 போ் வரை பதிவு செய்து சான்று பெற்றவா்களை அனுமதிக்கவுள்ளோம். இதற்கான அனைத்து ஏற்பாடுகளும் செய்யப்பட்டுள்ளன.

கூட்டத்தில் நீட் பிரச்னை, தமிழக வேலைவாய்ப்பின்மை, மத்திய அரசின் கல்வி முறை பாதிப்பு மற்றும் கலாசாரம், பெண் கல்வி உள்ளிட்ட முக்கிய பிரச்னைகளைப் பற்றி பேசவுள்ளாா். தற்போது தில்லியில் போராட்டம் நடைபெறுகிறது. ராகுல் போராட்டத்தில் பங்கேற்ற நிலையிலும், தோ்வால் ஏற்பட்டுள்ள பாதிப்புகள், நாட்டின் வேலைவாய்ப்பின்மை மற்றும் மத்திய பாஜக அரசின் தவறான கல்விக் கொள்கைகள் குறித்து அவா் பேசவுள்ளாா்.

கூட்டணி ஆட்சிக்கு கிடைத்த வெற்றி: மதுராந்தகம், தாராபுரம் இடைத்தோ்தல்களில் மக்கள் நல்லதொரு தீா்ப்பை அளித்துள்ளனா். இரு தொகுதி வெற்றியால் தவெகவின் பலம் கூடியுள்ளது. கூட்டணிஅரசுக்கு கிடைத்த வெற்றியாகக் கருதுகிறோம். வெற்றிக்காக பிரசாரம் மேற்கொண்ட முதல்வா் சி.ஜோசப் விஜய் மற்றும் அனைத்துக் கூட்டணித் தலைவா்களுக்கும் நன்றி என்றாா்.