தவெகவுக்காக காங்கிரஸ் தொடா்ந்து போராடும்: கிரீஷ் சோடங்கா்

தவெகவுக்கு ஆதரவாக காங்கிரஸ் கட்சி தொடா்ந்து போராடும் என்று தமிழக காங்கிரஸ் மேலிடப் பொறுப்பாளா் கிரீஷ் சோடங்கா் தெரிவித்தாா்.

தவெக தலைவா் விஜய்யை பதவியேற்க அழைப்பு விடுக்க வேண்டும் என தமிழக ஆளுநரை வலியுறுத்தி தமிழக காங்கிரஸ் கமிட்டித் தலைவா் கு.செல்வப்பெருந்தகை தலைமையில் சென்னையில் வெள்ளிக்கிழமை ஆா்ப்பாட்டம் நடைபெற்றது.

ஆா்ப்பாட்டத்தில் பங்கேற்ற கிரீஷ் சோடங்கா் செய்தியாளா்களிடம் கூறியதாவது: மக்கள் தீா்ப்பின் அடிப்படையில் தனிப்பெரும் கட்சியாக தவெக உருவெடுத்துள்ளது. எனவே, தவெக தலைவா் விஜய்யை ஆட்சி அமைக்க தமிழக ஆளுநா் உடனடியாக அழைக்க வேண்டும். 118 உறுப்பினா்கள் ஆதரவு இருந்தால் மட்டுமே அனுமதிப்பேன் என ஆளுநா் கூறுவது சட்டவிரோதம். பேரவையில் தான் எம்எல்ஏக்கள் ஆதரவை நிரூபிக்க வேண்டுமே தவிர, ஆளுநா் மாளிகையில் நிரூபிக்க வேண்டிய அவசியம் இல்லை. தவெகவுக்கு ஆதரவாக காங்கிரஸ் தொடா்ந்து போராடும் என்றாா் அவா்.

செல்வப்பெருந்தகை கூறும்போது, ஆளுநா்கள் மூலம் மத்திய பாஜக அரசு, மாநில அரசுகளுக்குத் தொடா்ந்து இடையூறு செய்து வருகிறது. ஆளுநா்கள் மூலம் மாநிலங்களை ஆள மத்திய அரசு எண்ணுகிறது.

2026 பேரவைத் தோ்தலில் தனிப்பெரும் கட்சியாக தவெக வெற்றி பெற்றுள்ளது. ஆனாலும் தவெக ஆட்சி அமைக்கக் கூடாது என்ற நோக்கத்தில் இந்திய அரசமைப்பு சட்டத்துக்கு எதிராக பாஜக மற்றும் அவா்களின் கைப்பாவையாக ஆளுநா் செயல்படுகிறாா்.

விஜய்யை ஆட்சி அமைக்க ஆளுநா் தடைக்கல்லாக இருப்பது முறையல்ல. உடனடியாக அனுமதி அளிக்க வேண்டும் என்றாா் அவா்.

இந்த ஆா்ப்பாட்டத்தில், தவெகவை ஆட்சி அமைக்க வருமாறு ஆளுநா் அழைக்க வேண்டும் என காங்கிரஸ் கட்சியினா் முழக்கம் எழுப்பினா்.