நிறைமாத கர்ப்பிணிக்கு மேடையைவிட்டு இறங்கி பணி ஆணை வழங்கிய முதல்வர் விஜய்!

மின்சாரத் துறைக்குத் தேர்வானவர்களுக்கு இன்று பணி நியமன ஆணை வழங்கப்பட்டு வரும் நிலையில், நிறைமாத கர்ப்பிணி ஒருவருக்கு முதல்வர் விஜய் மேடையில் இருந்து இறங்கிவந்து பணி நியமன ஆணை வழங்கியுள்ளார்.

எரிசக்தித் துறை சார்பில் தமிழ்நாடு அரசுப் பணியாளர் தேர்வாணையம் மூலம் தேர்வு செய்யப்பட்ட 383 உதவிப் பொறியாளர்கள் (மின்னியல்) மற்றும் 18 உதவி கணக்கு அலுவலர்கள், என மொத்தம் 401 நபர்களுக்கு பணி நியமன ஆணைகளை, சென்னை கலைவாணர் அரங்கில் இன்று (ஜூன் 24) நடைபெறும் நிகழ்வில் முதல்வர் விஜய் வழங்கி வருகிறார்.

இந்நிலையில் மின்சார வாரியத்திற்கு தேர்வானவர்களில் ஒருவரான அட்சயலட்சுமி நிறைமாத கர்ப்பிணியாக உள்ள நிலையில், முதல்வர் விஜய் மேடையில் இருந்து இறங்கிச் சென்று அட்சயலட்சுமிக்கு பணி நியமன ஆணை வழங்கினார். அட்சயலட்சுமிக்கு ஜூன் 28 ஆம் தேதி பிரசவ தேதி வழங்கப்பட்டுள்ளது குறிப்பிடக்கத்தக்கது.

அட்சயலட்சுமியைத் தொடர்ந்து மற்றவர்களுக்கு பணி நியமன ஆணை வழங்கப்பட்டது.