வணிக சிலிண்டர் விலை உயர்வு! மோடி அரசுக்கு பணம் பறிக்க மட்டுமே தெரியும்: காங்கிரஸ்

வணிக சிலிண்டர் விலையைக் குறிப்பிட்டு, பாஜக அரசுக்கு பணம் பறிக்க மட்டுமே தெரியும் என காங்கிரஸ் குற்றம் சாட்டியுள்ளது.

வணிகப் பயன்பாட்டுக்கான சிலிண்டர் விலை அதிரடியாக வெள்ளிக்கிழமை (மே.1) ரூ. 993 உயர்ந்து, ரூ. 3,237-க்கு விற்பனையாகிறது.

இந்த நிலையில், கடந்த 4 மாதங்களில் வணிக சிலிண்டர்களின் விலை ரூ. 1,518 உயர்த்தப்பட்டிருப்பதாக காங்கிரஸ் கூறியுள்ளது.

இதுகுறித்து, காங்கிரஸ் தனது சமூக ஊடகப் பக்கத்தில் தெரிவித்திருப்பதாவது, பணவீக்க மனிதர் மோடி மீண்டும் சர்ச்சையைக் கிளப்பியுள்ளார். இன்று வணிக சிலிண்டரின் விலை ரூ. 993 உயர்ந்துள்ளது.

கடந்த 4 மாதங்களில் மோடி உயர்த்திய வணிக சிலிண்டரின் விலைப் பட்டியல்,

ஜனவரி 1 - ரூ. 111

பிப்ரவரி 1 - ரூ. 50

மார்ச் 1 - ரூ. 31

மார்ச் 7 - ரூ. 115

ஏப்ரல் 1 - ரூ. 218

மே 1 - ரூ. 993

மொத்தம் - ரூ. 1,518

இந்த வருடத்தில் இன்னும் 8 மாதங்கள் உள்ளன. மோடி அரசுக்கு பணம் பறிக்க மட்டுமே தெரியும். இப்போது, சிறிய 5 கிலோ சிலிண்டரின் விலையைகூட (ரூ. 261) உயர்த்தியுள்ளனர் என்று குறிப்பிட்டுள்ளனர்.