இந்தி மொழிபெயர்ப்பாளர் பணிக்கான தேர்வு: எஸ்எஸ்சி அறிவிப்பு!

மத்திய அரசு பணியாளர் தேர்வாணையத்தால்(எஸ்எஸ்சி) நடத்தப்படும் ஒருங்கிணைந்த இந்தி மொழிபெயர்ப்பாளர் தேர்விற்கான அறிவிப்பு வெளியிடப்பட்டுள்ளது. இதற்கு தகுதியும் ஆர்வமும் உள்ளவர்களிடமிருந்து விண்ணப்பங்கள் வரவேற்கப்படுகின்றன.

அறிவிப்பு எண்.: HQ-C11017/1/2026-C-1

தேர்வின் பெயர்: Combined Hindi Translators Examination 2026

காலியிடங்கள்: 84

சம்பளம்: மாதம் ரூ.35.400 - ரூ.1,12,400

தகுதி: இந்தி மற்றும் ஆங்கில பாடங்களுடன் ஏதாவதொரு பிரிவில் முதுநிலைப் பட்டம் பெற்றிருக்க வேண்டும்.

வயது வரம்பு: 1.8.2026 தேதியின்படி 18 முதல் 30 வயதிற்குள் இருக்க வேண்டும். வயது வரம்பில் எஸ்சி, எஸ்டி பிரிவினருக்கு 5 ஆண்டுகளும், ஒபிசி பிரிவினருக்கு 3 ஆண்டுகளும் சலுகை வழங்கப்படும். மாற்றுத்திறனாளிகளுக்கு 10 ஆண்டுகள் தளர்வு வழங்கப்படும்.

தேர்வு செய்யப்படும் முறை: எஸ்எஸ்சி- ஆல் நடத்தப்படும் ஆன்லைன் எழுத்துத்தேர்வு மற்றும் நேர்முகத்தேர்வில் பெறும் மதிப்பெண்கள் அடிப்படையில் தகுதியானவர்கள் தேர்வு செய்யப்படுவர்.

தேர்வு நடைபெறும் மாதம்: ஆகஸ்ட் , செப்டம்பர் 2026

தேர்வு நடைபெறும் இடங்கள்: தமிழ்நாட்டில் சென்னை, கோவை, மதுரை திருச்சி.

எழுத்துத்தேர்வு இரண்டு பிரிவுகள் கொண்டது. பிரிவு 1-ல் இந்தி மற்றும் ஆங்கில மொழி தொடர்பான கொள்குறிவகை கேள்விகள் கேட்கப்படும். பிரிவு 2-ல் ஆங்கில மொழிபெயர்ப்பு, கட்டுரை எழுதுதல் போன்ற விரிவாக விடையளிக்கும் வகையில் கேள்விகள் கேட்கப்படும்.

ஆன்லைன் தேர்வு நடை பெறும் இடம், தேதி குறித்த விவரம் மின்னஞ்சல் மூலம் சம்பந்தப்பட்டவர்களுக்கு தெரிவிக்கப்படும்.

விண்ணப்பக் கட்டணம்: ரூ.100 மட்டும். இதனை ஆன்லைன் முறையில் செலுத்த வேண்டும். எஸ்சி, எஸ்சி, மாற்றுத்திறனாளி, பெண்கள், முன்னாள் ராணுவத்தினர்களுக்கு விண்ணப்பக் கட்டணம் செலுத்துவதில் விலக்கு அளிக்கப்பட்டுள்ளது.

விண்ணப்பிக்கும் முறை: www.ssc.gov.in என்ற இணையதளம் வாயிலாக ஆன்லைன் முறையில் விண்ணப்பிக்கவும்.

ஆன்லைனில் விண்ணப்பிப்பதற்கான கடைசி நாள்: 14.5.2026

விண்ணப்பிப்போரின் கூடுதல் விவரங்களுக்கு இங்கே கிளிக் செய்து தெரிந்துகொள்ளவும்.