சட்டைகூட கசங்காமல்... ஜெயிலர் - 2 திரைப்படத்தைப் பாராட்டிய அல்லு அர்ஜுன்!

நடிகர் அல்லு அர்ஜுன் ஜெயிலர் - 2 திரைப்படத்தைப் புகழ்ந்து பதிவிட்டுள்ளார்.

நடிகர் ரஜினிகாந்த் நடித்த ஜெயிலர் - 2 திரைப்படம் தமிழ் மட்டுமல்லாது பான் இந்திய அளவில் பெரிய வரவேற்பைப் பெற்றுள்ளது. நகைச்சுவை, ஆக்‌ஷன் என எல்லாம் கலந்த கமர்சியல் திரைப்படமாக அமைந்ததால் அனைத்து வயது ரசிகர்களும் ரசித்து வருகின்றனர்.

அதிக டிக்கெட்கள் விற்பனையாகிக் கொண்டிருக்கும் சூழலில், இப்படம் இதுவரை ரூ. 550 கோடிக்கும் அதிகமாக வசூலித்துள்ளதாகத் தகவல்கள் தெரிவிக்கின்றன. மேலும், இதே வேகத்தில் சென்றால் ரூ. 800 கோடிக்கும் அதிகமாக வசூலிக்கலாம் என எதிர்பார்க்கப்படுகிறது.

இந்த நிலையில், நடிகர் அல்லு அர்ஜுன் பதிவொன்றை வெளியிட்டுள்ளார். இதில், “சட்டைகூட கசங்காமல் ரூ. 500 கோடியை வசூலிக்க ரஜினி சாரால் மட்டும்தான் முடியும். இது, அவரது நட்சத்திர வசீகரத்தை எடுத்துக்காட்டும் சிறந்த பொழுதுபோக்கு திரைப்படம். சகோதரர் அனிருத் காலிசெய்துவிட்டார்! இயக்குநர் நெல்சன் அமைதியாக அசத்தலான ஹிட்டை கொடுத்துள்ளார். ஒட்டுமொத்த படக்குழுவினருக்கும் என் வாழ்த்துகள்” எனத் தெரிவித்துள்ளார்.

Actor Allu Arjun has posted a post praising the movie Jailer - 2.