பைக் மீது சரக்கு லாரி மோதல்: ஒருவா் உயிரிழப்பு

விழுப்புரம் மாவட்டம், ஆரோவில் அருகே பைக் மீது சரக்கு லாரி மோதியதில் ஒருவா் உயிரிழந்தாா்.

புதுச்சேரி லாஸ்பேட்டை பகுதியைச் சோ்ந்தவா் ஜனகன் (40), திருமணமானவா். இவா், வியாழக்கிழமை திண்டிவனம் - புதுச்சேரி தேசிய நெடுஞ்சாலையில், ஆரோவில்லை அடுத்த இரும்பை பகுதியில் பைக்கில் சென்றுகொண்டிருந்தாா்.

அப்போது, அந்தப் பகுதியில் வந்த சரக்கு லாரி, பைக் மீது மோதியதில் ஜனகன் பலத்த காயமடைந்து நிகழ்விடத்திலேயே உயிரிழந்தாா். இதுகுறித்த புகாரின்பேரில், ஆரோவில் போலீஸாா் வழக்குப் பதிந்து விசாரிக்கின்றனா்.