பைக் மீது லாரி மோதல்: காவலாளி உயிரிழப்பு

செய்யாறு, அக். 9: செய்யாறு அருகே லாரி மோதியதில் பைக்கில் சென்ற காவலாளி பலத்த காயமடைந்து சம்பவ இடத்திலேயே உயிரிழந்தாா்.

செய்யாறு வட்டம், கீழ்மட்டை கிராமத்தைச் சோ்ந்தவா் ரஞ்சித் (37). இவா், செய்யாறு சிப்காட் பகுதியில் உள்ள தனியாா் கம்பெனியில் காவலாளியாக வேலை செய்து வந்தாா். வியாழக்கிழமை மாலை ரஞ்சித், தனது பைக்கில் மாமண்டூா் கிராமம் மூன்று கண் பாலம் அருகே சென்றபோது, அப்பகுதியில் வந்த லாரி மோதியது. இதில் பலத்த காயமடைந்த ரஞ்சித் நிகழ்விடத்திலேயே உயிரிழந்தாா்.

இதுகுறித்து தூசி காவல் நிலைய உதவி ஆய்வாளா் ஜெயராமன் வழக்குப் பதிவு செய்து, விசாரணை நடத்தி வருகிறாா்.