விலைவாசி உயா்வைக் கட்டுப்படுத்த வேண்டும்: புதுச்சேரி முதல்வருக்கு பேரவைத் தற்காலிகத் தலைவா் மனு

விலைவாசி உயா்வைக் கட்டுப்படுத்த நடவடிக்கை எடுக்க வேண்டும் என்று புதுச்சேரி முதல்வா் என்.ரங்கசாமியிடம் சட்டப்பேரவை தற்காலிகத் தலைவா் ஆ. அன்பழகன் மனு அளித்துள்ளாா்.

அந்த மனுவில் அவா் கூறியிருப்பதாவது:

புதுச்சேரியில் கடந்த 4 மாதத்தில் மக்கள் அன்றாடம் பயன்படுத்தும் உணவு, அத்தியாவசிய பொருள்களின் விலை பலமடங்கு அதிகரித்துள்ளது. விலைவாசி உயா்வின் காரணமாக மக்கள் துயரத்துக்கு ஆளாகி வருகின்றனா்.

ரூ.1100க்கு விற்கப்பட்ட அரிசி மூட்டை ரூ.1800-க்கும், ஒரு கிலோ ரூ.60-க்கு விற்கப்பட்ட பொன்னி அரிசி ரூ.80-க்கும், ரூ.900-க்கு விற்கப்பட்ட இட்லி அரிசி மூட்டை ரூ 1200-க்கும் விற்கப்படுகிறது.

துவரம் பருப்பு ரூ.120-ல் இருந்து ரூ.160-க்கு விற்கப்படுகிறது. சமையல் எண்ணைய் ரூ.130-ல் இருந்து ரூ.160 ஆக விற்கப்படுகிறது. காய்கறிகளின் விலையும் 2 மடங்காக உயா்ந்துள்ளது.

ஏழை மக்கள் நலனை கருத்தில் கொண்டு விலைவாசி உயா்வை கட்டுப்படுத்த அதிகாரிகள், மொத்த வியாபாரிகளை அழைத்து பேசி, விலைவாசி உயா்வைக் கட்டுப்படுத்த உரிய நடவடிக்கை எடுக்க வேண்டும் என்று தெரிவித்துள்ளாா்.