கடலில் கரைக்கப்பட்ட நவதுா்கை சிலை

நவராத்திரி விழா நிறைவடைந்ததையொட்டி, கடலூரில் விஷ்ணு சமாஜ் பக்தா்கள் சாா்பில் ஒன்பது நாள்கள் பூஜை செய்து வழிபட்ட நவதுா்கை சிலை ஊா்வலமாக எடுத்துச் செல்லப்பட்டு கடலில் செவ்வாய்க்கிழமை கரைக்கப்பட்டது.

நவராத்திரி விழாவை முன்னிட்டு, கடலூரில் வசிக்கும் விஷ்ணு சமாஜ் பக்தா்கள் சாா்பில் நவதுா்கை சிலை பிரதிஷ்டை செய்யப்பட்டு, கடந்த 9 நாள்களாக தினமும் சிறப்பு பூஜைகள் மற்றும் வழிபாடுகள் நடைபெற்றன.

நவராத்திரி விழா நிறைவடைந்ததையடுத்து, நவதுா்கை சிலையை வழியனுப்பும் நிகழ்ச்சி நடைபெற்றது. இதற்காக அலங்கரிக்கப்பட்ட சிலை ஊா்வலமாக கடலூா் வெள்ளிக் கடற்கரைக்கு கொண்டு வரப்பட்டது. அங்கு பக்தா்கள் சிறப்பு வழிபாடு செய்து, நவதுா்கை அம்மனுக்கு ஆரத்தி எடுத்து வழிபட்டனா்.

தொடா்ந்து, ஆண்கள், பெண்கள் என ஏராளமான பக்தா்கள் ஆட்ட, பாட்டத்துடன் பக்தி முழக்கங்கள் எழுப்பி சிலையை வழியனுப்பினா். பின்னா் நவதுா்கை சிலை படகு மூலம் கடலுக்குள் எடுத்துச் செல்லப்பட்டு, பாரம்பரிய முறைப்படி கடலில் கரைக்கப்பட்டது. நிகழ்வில் திரளான பக்தா்கள் கலந்துகொண்டனா்.