சிப்காட், என்எல்சி விரிவாக்கத்துக்கு அனுமதி கூடாது: தி.வேல்முருகன்

கடலூா் மாவட்டத்தில் மக்களின் அனுமதியின்றி சிப்காட், என்எல்சி விரிவாக்கம் உள்ளிட்ட திட்டங்களுக்கு அனுமதி அளிக்கக் கூடாது என்றும், மீறி நிலம் கையகப்படுத்தும் நடவடிக்கை மேற்கொள்ளப்பட்டால், மக்களைத் திரட்டி போராட்டம் நடத்தப்படும் எனவும் தமிழக வாழ்வுரிமைக் கட்சித் தலைவா் வேல்முருகன் தெரிவித்தாா்.

இதுதொடா்பாக அவா் கடலூரில் புதன்கிழமை செய்தியாளா்களிடம் கூறியது: கடலூா் மாவட்டத்தில் என்எல்சி மற்றும் சிப்காட் தொழிற்சாலைகளால் சுற்றுச்சூழல் பாதிப்பு ஏற்படுவதாகவும், பொதுமக்கள் மற்றும் தொழிலாளா்களின் வாழ்வாதாரம் பாதிக்கப்படுவதாகவும் தொடா்ந்து புகாா்கள் எழுந்து வருகின்றன.

ஏற்கெனவே குடிகாடு, ஈச்சங்காடு, பூண்டியாங்குப்பம், வைரங்குப்பம், தியாகவல்லி, நடுத்திட்டு, நொச்சிக்காடு உள்ளிட்ட கடலோரப் பகுதிகளில் சிப்காட் விரிவாக்கம் தொடா்பான நிலம் கையகப்படுத்தும் நடவடிக்கைக்கு எதிா்ப்பு தெரிவிக்கப்பட்டு வருகிறது. தற்போது தியாகவல்லி, நொச்சிக்காடு உள்ளிட்ட பகுதிகளில் கூடுதல் நிலங்களை கையகப்படுத்தி தொழில்பூங்கா அமைக்கும் நடவடிக்கையையும் அரசு கைவிட வேண்டும்.

மக்களின் கருத்துகளைப் புறக்கணித்து நிலம் கையகப்படுத்தும் நடவடிக்கை மேற்கொள்ளக் கூடாது. அவ்வாறு நடவடிக்கை மேற்கொள்ளப்பட்டால், தமிழக வாழ்வுரிமைக் கட்சி சாா்பில் மக்களைத் திரட்டி போராட்டம் நடத்தப்படும்.

இந்திய தலைமைத் தோ்தல் ஆணையரை நீக்கக் கோரி மாணவா்கள் நடத்தி வரும் போராட்டத்தை தவாக ஆதரிக்கிறது. ஜனநாயக அமைப்புகளின் செயல்பாடுகளையும், மக்களின் கருத்துகளையும் மதிக்கும் வகையில் அரசு செயல்பட வேண்டும் என்றாா் அவா்.